Fana: At a Speed of Life!

ኢትዮጵያ በአፍሪካ ልማት ላይ በሚመክረው 8ኛው የቶኪዮ ዓለም አቀፍ የሚኒስትሮች ኮንፈረንስ ላይ ተሳተፈች

አዲስ አበባ ፣ መጋቢት 17 ፣ 2014 (ኤፍ ቢ ሲ) የውጭ ጉዳይ ሚኒስትር ዲኤታ አምባሳደር ሬድዋን ሁሴን በአፍሪካ ልማት ላይ በሚመክረው 8ኛው የቶኪዮ ዓለም አቀፍ የሚኒስትሮች ኮንፈረንስ ላይ ተሳተፉ።

አምባሳደር ሬድዋን በዚህ ወቅት ጃፓን በቶኪዮ ዓለም አቀፍ ኮንፈረንስ አማካኝነት ከአፍሪካ ሃገራት ለመተባበር ያላትን ቁርጠኝነት አድንቀዋል።

ከኢትዮጵያ ጋርም በጃፓን ዓለም አቀፍ ትብብር ኤጀንሲ እንዲሁም በካይዘን ፕሮጀክት ምርትና ጥራትን ለማሻሻል ለምታደርገው ትብብርም ያላቸውን አድናቆት ገልጸዋል።

ጃፓን ለኢትዮጵያ ላደረገችው የኮቪድ19 የክትባት ድጋፍ ያላቸውን አድናቆት ገልጸው፥ ወረርሽኙ በአፍሪካ ሃገራት ላይ ካሳደረው ተፅዕኖ አንጻር የምታደርገውን ኢኮኖሚያዊ ድጋፍ ማሳደግ እንዳለበት አስገንዝበዋል።

አያይዘውም በኢትዮጵያ በ10 አመቱ የኢኮኖሚ እቅድ እና በሃገር በቀሉ የኢኮኖሚ ማሻሻያ እቅድ መሰረት፥ ኢኮኖሚውን ለማሳደግ እየተወሰዱ ያሉ አበረታች እርምጃዎችን በተመለከተ ማብራሪያ ሰጥተዋል።

ጃፓንም ለዚህ መሳካት ቀጣይነት ያለው ድጋፍ እንድታደርግ ጥሪ ማቅረባቸውን የውጭ ጉዳይ ሚኒስቴር መረጃ ያመላክታል።

የአፍሪካ-ጃፓንን ግንኙነት በንግድ፣ በኢንቨስትመንት፣ ቴክኖሎጅ ሽግግር እና በሰው ሃብት ልማት ከማጠናከር ባለፈ፥ ጃፓን በአፍሪካ ዘላቂ ሰላምና ልማት ለማምጣት የተያዘውን አጀንዳ 2063 ለማሳካት እንድትሰራም ጥሪ አቅርበዋል።

ኢትዮጵያን፦ እናልማ፣ እንገንባ፣ እንዘጋጅ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.