Fana: At a Speed of Life!

የሁለቱ ክልሎች አመራሮች በአዋሳኝ አካባቢዎች የሚፈጠሩ የጸጥታ ችግሮችን በዘላቂነት ለመፍታት መከሩ

አዲስ አበባ፣ መጋቢት 24፣ 2014 (ኤፍ ቢ ሲ) በቤኒሻንጉል ጉሙዝ ክልል መተከል ዞን እና በአማራ ክልል አዊና ምዕራብ ጎንደር ዞኖች የሚስተዋለውን የጸጥታ ችግር እልባት ለመስጠት የሁለቱ ክልሎች ከፍተኛ የጸጥታ አካላት በግልገል በለስ ከተማ እየመከሩ መሆናቸው ተገለጸ።
የሁለቱ ክልል አመራሮች በቀጠናው በተደጋጋሚ የሚስተዋሉ የጸጥታ ችግሮችን በጋራ ለመፍታት በሚያስችላቸው እቅድ ላይ እየተወያዩ እንደሚገኙ ተገልጿል።
በአዋሳኝ ዞኖች አካባቢ እየታየ ያለውን አለመረጋጋት በዘላቂነት በመፍታት የሁለቱ ክልል ህዝቦች የቆየ ወንድማማችነትን በማጠናከር ወደ ልማት ለማስገባት በትኩረት እየተሰራ መሆኑን የቤኒሻንጉል ጉሙዝ ክልል የሰላም ግንባታና ጸጥታ ቢሮ ኃላፊ አብዮት አልቦሮ ተናግረዋል።
በውይይቱ የህዝቦችን ሰላምና ደህንነት በማስጠበቅ የጋራ የልማት ተጠቃሚ ለማድረግ የትኩረት አቅጣጫዎች ይቀመጣሉ ተብሎ ይጠበቃል።
እየተካሄደ ባለው የጋራ የጸጥታ ምክክር ላይ የመተከል ዞን ኮማንድ ፖስት ዋና አስተባባሪ ሌ/ጄኔራል ደስታ አብቼን ጨምሮ፣ የአማራ ክልል የህዝብ ደህንነት እና ጸጥታ ቢሮ ሃሀኃላፊ አቶ ደሳለኝ ጣሰው እና ሌሎች ከፍተኛ የክልልና የዞን አመራሮች መገኘታቸውን ከመተከል ዞን ኮሙኒኬሽን ያገኘነው መረጃ ያመላክታል።
ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.