Fana: At a Speed of Life!

ፍትሕ ሚኒስቴር በኢትዮጵያ ታሪክ የመጀመሪያ የሆነውን የጥብቅና ድርጅት ፈቃድ ሰጠ

አዲስ አበባ፣ መጋቢት 29፣ 2014 (ኤፍ ቢ ሲ) የፍትሕ ሚኒስቴር የመጀመሪያውን የጥብቅና ድርጅት ፈቃድ በትናንትናው ዕለት ለሐበሻ ሌጋል አድቮኬትስ ኤል.ፒ. ሰጥቷል፡፡

ፈቃዱ የተሰጠው በፌዴራል ጥብቅና አገልግሎት ፍቃድ አሰጣጥ እና አስተዳደር አዋጅ ቁጥር 1249/2013 መሠረት መሆኑም ነው የተመለከተው፡፡

ፍትሕ ሚኒስቴር ÷ ከአዲሱ የኢትዮጵያ የፌዴራል ጠበቆች ማኅበር እና ከሌሎች ባለድርሻ አካላት ጋር በመተባበር አዋጁን በተሟላ ሁኔታ ተግባራዊ ለማድረግ ዝርዝር የአሰራር መመሪያዎችና ውስጠ ደንብ መቅረጽን ጨምሮ አደራጃጀቶችን በመፍጠርና መነሻ የሚሆን የሰው ኃይል እና ግብዓት በመመደብ ወደ ሥራ መግቧቱንም ነው ያስታወሰው፡፡

በአዲሱ የጠበቆች አዋጅ አንቀጽ 37 መሰረትም የፀና የጥብቅና ፈቃድ ያላቸው ቢያንስ ሁለት እና ከዚያ በላይ የሆኑ ጠበቆች አንድ ላይ በመሆን የጥብቅና ድርጅት ማቋቋም እንደሚችሉ በመደንገጉ በአዋጁ መሠረት የመጀመሪያ የሆነው የጥብቅና ፈቃድ በትናንትናው ዕለት መሥጠቱን ገልጿል፡፡

በኢ.ፌ.ዴ.ሪ ፍትሕ ሚኒስቴር የመንግስት ሕግና ፍትሕ አገልግሎት ዘርፍ ሚኒስትር ዴኤታ አቶ ዓለምአንተ አግደው ÷ ፈቃዱን በሰጡበት ወቅት በሀገራችን ለመጀመሪያ ጊዜ የጥብቅና አገልግሎት በድርጅት መስጠት የሚያስችል ሕግ መውጣቱና ተግባራዊ መደረግ መጀመሩ ለዜጎች የተሻለና ጥራት ያለው የሕግ አገልግሎት ለመስጠት ከፍተኛ ጠቀሜታ ያለውና በደንበኞችና ጠበቆች መካከል ሊኖር የሚገባውን መተማመን የሚያጎለብት ከመሆኑም ባሻገር የተሻለ ዋስትና የሚሰጥ ነው ብለዋል፡፡

ፍትሕ ሚኒስቴር ÷ አመልካቾች የአዋጁን ዝርዝር ተመልክተው መስፈርቱን የሚያሟሉ ከሆነ የጥብቅና ፈቃድ እንደሚሰጥ ነው ከገጹ ያገኘነው መረጃ የሚያመለክተው፡፡

ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.