Fana: At a Speed of Life!

በመዲናዋ ረቡዕ እና ዓርብ ሙሉ ቀን የሚሰጠው የባለጉዳይ ቀን አገልግሎት ተግባራዊ መደረግ ጀመረ

አዲስ አበባ፣ መጋቢት 29፣ 2014 (ኤፍ ቢ ሲ) የአዲስ አበባ ከተማ አስተዳደር ረቡዕ እና ዓርብ ሙሉ ቀን የሚሰጠው የባለጉዳይ ቀን አገልግሎት ተግባራዊ መደረግ መጀመሩን አስታውቋል፡፡
 
የህዝብ ጥቄዎችን በልዩ ሁኔታ ለመመለስ ባስቀመጠው አቅጣጫ መሰረት ከከተማ እስከ ወረዳ ድረስ በሳምንት ሁለት ቀናት ማለትም ረቡዕ እና ዓርብ ሙሉ ቀን የትኛውም አመራር ከሌሎች ጉዳዮች ቅድሚያ ሰጥቶ ለህዝቡ አገልግሎት እንዲሰጥ የአዲስ አበባ ከተማ አስተዳደር ውሳኔ ማሳለፉ ይታወሳል፡፡
 
አሁን ላይም ሁለቱ ቀናት ለህዝብ አገልግሎት ብቻ የተወሰነ የባለጉዳይ ቀን እንዲሆኑ የተላለፈው ውሳኔ ወደ ተግባር መግባቱን ከከንቲባ ጽህፈት ቤት ያገኘነው መረጃ ያመላክታል፡፡
 
ስለሆነም ህብረተሰቡ ይህንን አውቆ በእነዚህ ቀናት አገልግሎት ማግኘት እንደሚችል ከተማ አስተዳደሩ አስታውቋል፡፡
 
መርሃ ግብሩ በከፍተኛ ስነ ምግብር ከላይ እስከ ታች ባሉት የመንግስት መዋቅሮች የሚፈፀም መሆኑ ተመላክቷል፡፡
 
ኢትዮጵያን፦ እናልማ፣ እንገንባ፣ እንዘጋጅ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.