Fana: At a Speed of Life!

ሚኒስቴሩ ተቋማትን መልሶ ለማቋቋምና ለዋግኽምራ ተፈናቃዮች የሚሆን 23 ሚሊየን ብር የሚገመት ድጋፍ አደረገ

አዲስ አበባ፣ መጋቢት 30፣ 2014 (ኤፍ ቢ ሲ) የኢኖቬሽንና ቴክኖሎጂ ሚኒስቴር በጦርነቱ የወደሙ ተቋማትን መልሶ ለማቋቋም እና ለዋግኽምራ ተፈናቃይ ወገኖች 23 ሚሊየን ብር ግምት ያለው ቁሣቁስ ድጋፍ አድርጓል፡፡

ድጋፉ ወሎ ዩኒቨርሲቲ እና ወልድያ ዩኒቨርሲቲን ጨምሮ በሰሜን ወሎ ዋግኽምራ ለሚገኙ ተፈናቃይ ወገኖች የሚደርስ መሆኑም ተገልጿል፡፡

ለወሎ ዩኒቨርሲቲ 6 ሚሊየን ብር እና ለወልድያ ዩኒቨርሲቲ ከ4 ሚሊየን ብር በላይ የሚገመት ላፕቶፕና ዴስክ ቶፕ ኮምፒውተር እንዲሁም የቢሮ ቁሣቁስ ድጋፍ ተደርጓል፡፡

ድጋፉ በሰሜን ወሎ ዞን ቆቦ ድሬሮቃ እና በሰቆጣ አበርገሌ ለሚገኙ ተፈናቃዮች ከ12 ሚሊየን ብር በላይ የሚገመት አልባሳትንም ያካተተ ነው፡፡

የኢኖቬሽንና ቴኮኖሎጅ ሚኒስትር ዶክተር በለጠ ሞላ በዚህ ወቅት እንዳሉት፥ ተቋማቱን በማቋቋም ረገድ ሁሉም ኢትዮጵያውያን ሊረባረቡ ይገባል፡፡

የወሎ ዩኒቨርስቲን ድጋፍ የተረከቡት የወሎ ዩኒቨርስቲ ፕሬዚዳንት ዶክተር መንገሻ አየነ በበኩላቸው፥ የተደረገው ድጋፍ ለተጀመረው መማር ማስተማር ስራ አጋዥ ይሆናል ብለዋል፡፡

በአለባቸው አባተ

ኢትዮጵያን፦ እናልማ፣ እንገንባ፣ እንዘጋጅ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.