Fana: At a Speed of Life!

ሩሲያ የዩክሬንን የምድር ውስጥ የጦር ማዘዣ ማዕከል በሚሳኤል አወደመች

አዲስ አበባ፣ ሚያዝያ 4፣ 2014 (ኤፍ ቢ ሲ) ሩሲያ በዶኔስክ ክልል ውስጥ የሚገኘውን የዩክሬንን የምድር ውስጥ የጦር ማዘዣ ማዕከል በኪንዝሃል ሚሳኤል ማውደሟን የሩሲያ መከላከያ ሚኒስቴር አስታወቀ፡፡

የሩሲያ መከላከያ ሚኒስቴር እንዳስታወቀው፥በዶኔስክ የሚገኘው የዩክሬን ጦር ሃይሎች የምድር ውስጥ ማዘዣ ማዕከል በኪንዝሃል ሚሳኤል ወድሟል።

የሩሲያ መከላከያ የሚኒስቴር ቃል አቀባይ ኢጎር ኮናሼንኮቭ እንዳሉት÷ የዩክሬን ኢላማዎች በሮኬቶች የተመቱ ሲሆን በዶኔስክ ቻሲቭ ያር ሰፈር አቅራቢያ የሚገኘው የዩክሬን ጦር የማዘዣ ማዕከል ከአውሮፕላን በተተኮሰ ሚሳኤል ተመትቶ ወድሟል፡፡

በዶኔስክ በተፈጸመው የሚሳኤል ጥቃት እስከ 300 የሚደርሱ የዩክሬን ታጣቂ ኃይሎች ከውጊያ ውጪ መሆናቸውን እና ሱክሆይ ሱ-27 የተሰኘ የዩክሬን ጦር አውሮፕላንም መመታቱን ቃል አቀባዩ ጨምረው ገልጸዋል፡፡

የሩሲያ ጦር እስካሁን በድምሩ 441 የዩክሬን ሰው-አልባ አውሮፕላኖች፣ 2 ሺህ 132 ታንኮች እና ሌሎች የጦር መሳሪያ የታጠቁ ተሽከርካሪዎች፣ 241 ባለብዙ ማስወንጨፊያ ሮኬቶች፣ 913 ማስተኮሻ ባትሪዎች እና ሞርታር እንዲሁም 2 ሺህ 28 ልዩ ወታደራዊ ተሽከርካሪዎች ማውደሙን ቃል አቀባዩ መግለጻቸውን አናዶሉ ዘግቧል፡፡

ከዚህ በተያያዘ የሩሲያው ፕሬዚዳንት ቭላድሚር ፑቲን፥ የሩሲያ ጦር “በዩክሬን ልዩ ወታደራዊ ዘመቻ ያሰበውን ግብ ሙሉ በሙሉ ማሳካት” ይችላል ሲሉ ገልጸዋል።

“የሩሲያ ዋና ግብ የዶንባስን ህዝብ መታደግ ነው” ያሉት ፕሬዚዳንቱ “ለዚህ ምክንያቱ የኪየቭ ባለስልጣናት ለዶንባስ ችግሮች ሰላማዊ መፍትሄ ለማምጣት የታቀደውን የሚንስክ ስምምነት በምዕራቡ ዓለም ግፊት ተግባራዊ ለማድረግ ፈቃደኛ ባለመሆናቸው ነው” ይላሉ ።

ፕሬዚዳንት ፑቲን በዩክሬን እያደገ ካለው የአፍቃሪ ናዚ እና የፀረ ሩሲያ አቋም አንጻር የሩሲያ- ዩክሬን ጦርነት መቀስቀሱ አይቀሬ ነበር ብለዋል፡፡

ኢትዮጵያን፦ እናልማ፣ እንገንባ፣ እንዘጋጅ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.