Fana: At a Speed of Life!

የታዳጊዎች የፓይለት ፕሮጀክቶችን ፍሬ የምናይበት ጊዜ ሩቅ አይሆንም -አቶ ኢሳያስ ጅራ

አዲስ አበባ፣ሚያዚያ 10፣2014 (ኤፍ ቢሲ) በየክልሉ የሚገኙ የታዳጊዎች የፓይለት ፕሮጀክቶችን ፍሬ የምናይበት ጊዜ ሩቅ አይደለም ሲሉ የኢትዮጵያ እግር ኳስ ፌዴሬሽን ፕሬዚደንት አቶ ኢሳያስ ጅራ ተናገሩ፡፡

ፕሬዚደንቱ ከሰሞኑ በተለያዩ ክልሎች የሚካሄዱትን የታዳጊዎች እግር ኳስ ፓይለት ፕሮጅክቶች ከጎበኙ በኋላ ከፌዴሬሽኑ የዝግጅት ክፍል ጋር ቆይታ ባደረጉት ቆይታ ስልጉብኝታቸው ማብራሪያ ሰጥተዋል፡፡

በቆይታቸውም ከትግራይ ክልል በስተቀር በሁልም ክልሎች 27 የፓይለት ፕሮጀክቶች ተቋቁመው በአጠቃላይ በሁለቱም ፆታ 810 ታዳጊዎች ተመልመለው ስልጠና እየወሰዱ መሆናቸውን ተናግረዋል፡፡

በፓይለት ፕሮጀክቶ ከካፍ እና ከፊፋ የመጡ ባለሙያዎች ተመድበው ስልጠና በመስጠት ላይ መሆናቸውንም ገልፀዋል፡፡

“አንድ ኳስ ለአንድ አሰልጣ” በሚል መርህም የኢትዮጵያ እግር ኳስ ፌዴሬሽን የመጫዎቻ ኳሶችን እና የልምምድ ቁሳቁሶችን ድጋፍ ማድረጉን ፕሬዚደንቱ አብራርተዋል፡፡

ከፓይለት ፕሮጀክቶቹ የወጡ ተጫዋቾች ከ17 ዓመት በታች ብሄራዊ ቡድን መቀላቀላቸውን የጠቆሙት አቶ ኢሳያስ፥ በሂደትም ለዋናው ብሄራዊ ቡድን መጫዎት የሚችሉ ልጆች እየታዩ ነው ብለዋል፡፡

በቀጣይም ያሉበትን ደረጃ ለመገምገም በሀምሌ ወር መጨረሻ የፌዴሬሽኑ የቴክኒክ ዲፓርትመንት በሚያወጣው መርሃ ግብር መሰረት የምዘና ውድድሮች እንሚካሄዱ ፕሬዚደንቱ አመላክተዋል፡፡

ታዳጊ እግር ኳስ ተጫዋቾችን ማፍራት የፌዴሬሽኑ ስራ ብቻ ባለመሆኑ ሁሉም ባለድርሻ አካላት ትብብር ሊያደርጉ እንደሚገባም አቶ ኢሳያስ አሳስበዋል፡፡

You might also like

Leave A Reply

Your email address will not be published.