Fana: At a Speed of Life!

በሀገር ውስጥ ያለውን የተፈጥሮ ሀብትና የሰው ኃይል በመጠቀም ከሆርቲካልቸር ዘርፍ የሚገኘውን ጥቅም ማሳደግ እንደሚገባ ተጠቆመ

አዲስ አበባ፣ ሚያዝያ 20፣ 2014 (ኤፍ ቢ ሲ) በሀገር ውስጥ ያለውን የተፈጥሮ ሀብት እና የሰው ኃይል በመጠቀም ከሆርቲካልቸር ዘርፍ የሚገኘውን ጥቅም ማሳደግ እንደሚገባ በዘርፉ ያለውን የኢንቨስትመንት አማራጭ ለማስተዋወቅ አልሞ እየተካሄደ ባለው መድረክ ተመላከተ፡፡
በኢትዮጵያ ሆርቲካልቸር ዘርፍ ያለውን የኢንቨሰትመንት አማራጭ ለማስተዋወቅ ያለመ መድረክ በአዲስ አበባ እየተካሄደ ነው፡፡
መድረኩ ባለፉት 10 ዓመታት ወደ ውጪ ከተላኩ የአበባና የፍራፍሬ ምርቶች በየዓመቱ ከግማሽ ሚሊየን የአሜሪካን ዶላር በላይ ገቢ መሰብሰብ እንደተቻለ ተገልጿል፡፡
የኢትዮጵያ ሆርቲካልቸር ኢንቨስትመንት አምራች እና ላኪዎች ማኅበር ባዘጋጁት መድረክ ላይ እንደተገለጸው÷ አሁን ላይ ከ150 በላይ ኢንቨስተሮች በዘርፉ እንደሚኖሩ የተጠቆመ ሲሆን በዘርፉ ከዚህ በላይ ሊሰራ እንደሚገባም ተመላክቷል።
በሀገር ውስጥ ያለውን የተፈጥሮ ሀብት እና ብቁ የሰው ሃይል በመጠቀም በዘርፉ የሚገኘውን ጥቅም ማሳደግ እንደሚገባም አጽንኦት ተሰጥቷል፡፡
በመድረኩ ከተለያዩ ክልሎች የተውጣጡ የክልል ኢንቨሰትመንት ቢሮ ኃላፊዎች፣ በዘርፉ የተሰማሩ አልሚዎች፣ የተለያዩ ሀገራት ዲፕሎማቶች እየተሳተፉ ነው።
በትግስት ብርሀኔ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን፡፡
You might also like

Leave A Reply

Your email address will not be published.