Fana: At a Speed of Life!

የአውራምባ ማህበረሰብ 50ኛ ዓመት የምስረታ በዓል እየተከበረ ነው

 

አዲስ አበባ፣ ሚያዝያ 29፣ 2014 (ኤፍ ቢ ሲ) የአውራምባ ማህበረሰብ 50ኛ ዓመት የምስረታ በዓል በተለያዩ ዝግጅቶች እየተከበረ ነው፡፡

በዝግጅቱ ላይ የሴቶችና ማህበራዊ ጉዳይ ሚኒስትር ዶክተር ኤርጎጌ ተስፋዬ እና የአማራ ክልል ምክትል ርዕሰ መስተዳደር ዶክተር ጌታቸው ጀምበር የተገኙ ሲሆን÷ የማህበረሰቡን የአልባሳት ምርቶች፣ በማህበረሰቡ እንክብካቤ የሚደረግላቸውን አረጋውያን እና የዘይት ማምረቻ ጎብኝተዋል።

በ10 ሚሊየን ብር ወጪ ለሚገነባው የአውራምባ ማህበረሰብ ሁለገብ ማዕከል ግንባታ የመሰረት ድንጋይ አስቀምጠዋል።

የአውራምባ ማህበረሰብ የ50 ዓመታት ጉዞ የሚዘክረው መርሐ ግብር ማህበረሰቡ አሁን የደረሰበትን የሚያስተዋውቅ እንዲሁም ለነገ መንገድ የሚቀይስበት ነው ተብሏል፡፡

የሴቶችና ማህበራዊ ጉዳይ ሚኒስትሯ ዶክተር ኤርጎጌ ተስፋዬ÷ በማህበረሰቡ ዘንድ ያሉ በጎ ልምዶች ሁሉ ለሀገር በሚጠቅም መልኩ ሊተገበሩ ይገባል ብለዋል፡፡

ዶክተር ጌታቸዉ ጀንበር÷ ” የማህበረሰቡ አባላት እስካሁን ያሳዩት አርአያነት ያለው የስራ ባህል በብዙ መንገድ ለክልላችንእና ለአገራችን በሞዴልነት የሚጠቀስ ነው ” ብለዋል ።

ማህበረሰቡ በክልሉ ውስጥ ሆኖ ባሳየው ተምሳሌታዊ ስራ የበርካቶች የቱሪዝም መስህብ መሆኑን ያነሱት ምክትል ርዕሰ መስተዳድሩ÷ እንደብርቅ ከሚገኝበት ደረጃ በመውጣት መልካም የስራ ባህሉ የአገራችን ህዝብ እንዲሆን ለማድረግ ሰፊ ስራ መሰራት እንዳለበት ተናግረዋል፡፡

በመርሐ ግብሩ ዶክተር ዘካሪያስ አምደብርሀን፣ በጋዜጠኛ ጥበቡ በለጠ እና ክንደአለም ዳምጤ የተፃፈው ዙምራ የተሰኘ መፅሀፍ ተመርቋል ።

በፀጋየ ወንደሰን
You might also like

Leave A Reply

Your email address will not be published.