Fana: At a Speed of Life!

ጥራት ያለውን የጤና አገልግሎት ብቃት ባለው የጤና ባለሙያ ተደራሽ ለማድረግ በትኩረት ሊሰራ እንደሚገባ ተመላከተ

አዲስ አበባ፣ ግንቦት 4፣ 2014 (ኤፍ ቢ ሲ) ጥራት ያለውን የጤና አገልግሎት ብቃት ባለው የጤና ባለሙያ ተደራሽ ለማድረግ በትኩረት ሊሰራ እንደሚገባ ተጠቆመ፡፡
10ኛው የህክምና ትምህርት ቤቶች ጉባኤ በሐረማያ ዩኒቨርሲቲ ህክምናና ጤና ሳይንስ ኮሌጅ አዘጋጅነት በሀረር ከተማ እየተካሄደ ነው፡፡
በጉባኤው ላይ የተገኙት የጤና ሚኒስትር ዲኤታ ወይዘሮ ሳህረላ አብዱላሂ÷ የማህበረሰቡን የህክምና አገልግሎት ፍላጎት ለማሟላት የቅድመና ድህረ ምረቃ የህክምና ትምህርትን በማሻሻል የስፔሻሊስት ሀኪሞችን ተደራሽ ለማድረግ በትኩረት እየተሰራ መሆኑን ተናግረዋል።
የጤናውን ዘርፍ ጥራት ለማሳደግ ስልጠና ወሳኝ መሆኑን ጠቅሰው÷ ለዚህ ተግባር መሳካት የተፈተሸና ጊዜውን የሚመጥን ስርዓተ ትምህርት መከተል እንደሚያስፈልግም አመላክተዋል፡፡
ይህም ባለሙያዎች ችግርን የሚፈቱ በብቃትና በስነምግባር የታነፁ እንዲሆኑ ያስችላል ነው የተባለው።
በጉባኤው ከመንግሥትና ከግል የህክምና እና ጤና ኮሌጅ እንዲሁም ከዩኒቨርሲቲዎች የተውጣጡ ዲኖችና ሀላፊዎች እየተሳተፉ ነው።
ለሁለት ቀናት በሚቆየው መድረክ ጤና ላይ ስልጠና እየሰጡ የሚገኙ ተቋማት ያላቸውን ተሞክሮ በማቅረብ ውይይትና ግምገማ ይደረግባቸዋል ተብሎም ይጠበቃል።
በቲያ ኑሬ
You might also like

Leave A Reply

Your email address will not be published.