ጠቅላይ ሚኒስትር ዐቢይ በ60 ሚሊየን ዩሮ የተገነባውን የብቅል ፋብሪካ መረቁ

ፋብሪካው ከ50 ሺህ ከሚበልጡ አርሶ አደሮች ጋር ትስስር በመፍጠር በዓመት 60 ሺህ ቶን ብቅል ለማምረት የሚያስችል መሆኑም በዋናነት የውጭ ምርቶችን በሀገር ውስጥ ምርቶች ለመተካት የሚደረገውን ጥረት ለመደገፍ እንደሚያስችል ተናግረዋል።

ኢትዮጵያ እንዲህ ባለ መጠነ ሰፊ መንገድ መዋዕለ ንዋይ ለማፍሰስ የሚፈልጉ ቁርጠኛ ባለሀብቶችን ለመቀበል እና አስቻይ ሁኔታዎችን ለመፍጠር ዝግጁ ናት ሲሉም በፅሁፋቸው አስፍረዋል።

ፋብሪካው በ60 ሚሊየን ዩሮ ወጪ መገንባቱም ታውቋል፡፡

በግብርና ላይ የሚሰራ ኢንቪቮ ግሩፕ በተባለ የፈረንሳይ ኩባንያ ስር የሚገኘው ሱፍሌት ማልት በ38 ሀገራት የተለያዩ የግብርና ምርቶች ማቀነባበሪያ ፋብሪካዎች አሉት።