በዘንድሮው የአረንጓዴ አሻራ መርሃ ግብር 6 ቢሊየን ችግኝ ለመትከል ዝግጅት እየተደረገ ነው-የግብርና ሚኒስቴር

በተለይም የተለያዩ አትክልትና ፍራፍሬዎችን በመትከል ኢኮኖሚውን መደገፍ እና ለአረንጓዴ አሻራውም አስተዋፅኦ የማድረግ ግብ ተይዞም እተሰራ እንደሚገኝ ነው የገለጹት፡፡

5 ነጥብ 6 ቢሊየን ችግኞች ዝግጁ መደረጋቸውን የክልሎች ሪፖርት እንደሚያሳይ ያነሱት አቶ ኡመር÷ የቅድመ ዝግጀት ስራዎቹ በአገር አቀፍ ደረጃ ያሉበት ደረጃ እየታየ እንደሚገኝም ተናግረዋል።

ለተከላ ዝግጁ የተደረጉ ችግኞችን ጨምሮ ለመትከያ ቦታ የተደረጉ የቅድመ ዝግጅት ስራዎች ያሉበት ደረጃ በባለሙያዎች ምልከታ እየተደረገ መሆኑም ተገልጿል፡፡

ከዚህ ባለፈም ለችግኝ ተከላው በአገር አቀፍ ደረጃ ዝርዝር መርሐ ግብር እየተዘጋጀ መሆኑ ነው የተገለጸው፡፡

ባለፉት 3 ዓመታት በአገር አቀፍ ደረጃ ሲተገበር የቆየው የአረንጓዴ አሻራ ጥሩ ውጤቶችን እያስመዘገበ መሆኑ ተነግሯል፡፡

በአገር አቀፍ ደረጃ በተደረገ ዳሰሳም ባለፈው ዓመት የተተከለው ችግኝ የጽድቀት መጠን 80 በመቶ መሆኑን ሚኒስትሩ ጠቁመዋል።

በዙፋን ካሳሁን