Fana: At a Speed of Life!

ኢዜአ ለአብርሆት ቤተ መጻህፍት ሁለት ሺህ መጻህፍት አበረከተ

አዲስ አበባ፣ ግንቦት 29፣ 2014 (ኤፍ ቢ ሲ) የኢትዮጵያ ዜና አገልግሎት (ኢዜአ) በሁለተኛ ዙር ለአብርሆት ቤተ መጻህፍት ሁለት ሺህ መጻህፍት አበረከተ፡፡

ድርጅቱ በሀገር አቀፍ ካሉት 38 ቅርንጫፍ ጣቢያዎች እና ከግለሰቦች ያሰባሰባቸውን የተለያዩ ይዘት ያላቸው መጻህፍትን ነው ለአብርሆት ቤተ መጻህፍት ያበረከተው፡፡

የኢትዮጵያ ዜና አገልግሎት ዋና ስራ አስፈፃሚ አቶ ሰይፈ ደርቤ በርክክብ ሥነ-ስርኣዓቱ ላይ ተገኝተው ባደረጉት ንግግር፥ ይህ ለትውልድ የሚተርፍ እና እውቀት የሚሸመትበት ቦታ ስለሆነ እኛም ትውልድን ለመቅረፅ ለሚደረገው ጥረት አሻራችንን በመጣል ታሪክ ለመፃፍ ቁርጠኞች ነን ብለዋል፡፡

የኢፌዴሪ ጠቅላይ ሚኒስትር የማህበራዊ ጉዳዮች አማካሪ ሙሐዘ ጥበባት ዳንኤል ክብረት በበኩላቸው÷ መጻህፍትን በቅርበት ለማግኘት እንደ አብርሆት ያለ ቤተ መጻህፍት ወሳኝ መሆኑን ተናግረዋል፡፡

ለአሁኑ ትውልድ ብቻ ሳይሆን ለቀጣይ ትውልድም ማበርከት ካለብን ትልልቅ ነገሮች መካከል ዕውቀት አስፈላጊ መሆኑን ጠቁመው፥ ለኢዜአም ምስጋና አቅርበዋል፡፡

ኢዜአ ከዚህ ቀደም በአንደኛ ዙር ከአምስት ሺህ በላይ መጽሐፎችን ያበረከተ ሲሆን፥ መጻህፍት የማሰባሰብ ሂደቱ ቀጣይነት እንደሚኖረው ገልጿል።

በቅድስት ተስፋዬ

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር ከእኛ ጋር ስላሉ እናመሰግናለን!
You might also like

Leave A Reply

Your email address will not be published.