Fana: At a Speed of Life!

የቻይና-አፍሪካ ቀንድ ጉባኤ በቀጠናው አንድነትን እና መከባበርን ማስፈን በሚቻልበት አግባብ ላይ በመወያየት ተጠናቀቀ

አዲስ አበባ፣ ሰኔ 14፣ 2014 (ኤፍ ቢ ሲ) የቻይና-አፍሪካ ቀንድ ጉባኤ በቀጠናው አንድነትን እና መከባበርን ለማስፈን በሚያስችሉ ጉዳዮች ላይ በመወያየት ተጠናቀቀ።

የጉባኤውን መጠናቀቅ አስመልክቶ በተሰጠ ጋዜጣዊ መግለጫ የአፍሪካ ቀንድ ሀገራት የቀጠናውን ሠላምና ደኅንነት ለማስጠበቅ በጋራ ለመስራት ቃል ገብተዋል።

ጉባኤው በቀጠናዊ ሠላም፣ ልማትና አስተዳደር ላይ በመምከር መጠናቀቁን የውጭ ጉዳይ ሚኒስቴር መረጃ ያመላክታል።

ሀገራቱ ለቀጠናዊ ችግሮቻቸው ሠላማዊ መፍትሄ ለመሻትም ነው የተስማሙት፡፡

በቀጠናው ላይ ለሚደርሱ የተፈጥሮ አደጋዎች፣ ለሚቃጡ የሳይበር ጥቃቶች ፣ ለሚፈጸሙ የሽብር ወንጀሎች ምላሽ ለመሥጠትና የሚዘዋወሩ ህገ-ወጥ የጦር መሣሪያዎችንም በጋራ ለመከላከል ተስማምተዋል፡፡

የአፍሪካ ቀንድ ሀገራት ህገ-ወጥ የሰዎች ዝውውርን ለመከላከል በጋራ ለመስራትም በዚህ ወቅት ስምምነት ላይ ደርሰዋል።

ቻይና በኢንቨስትመንት፣ በልማት ፕሮጀክቶች ግንባታ እና ኮቪድ-19ን በመዋጋት ረገድ ከአፍሪካ ቀንድ ሀገራት ጋር ላላት ጠንካራ ግንኙነትም ምስጋናቸውን አቅርበዋል።

ዓለም አቀፉ ማኅበረ-ሰብም በሩሲያ እና ዩክሬን መካከል ለተከሰተው ግጭት ሠላማዊ መፍትሄ እንዲያፈልልጉ ሁለቱ ወገኖች ጠይቀዋል፡፡

ለሁለት ቀናት በተካሄደው ጉባኤ ላይ የኢትዮጵያ፣ ጂቡቲ ፣ ኬንያ፣ ሶማሊያ፣ ደቡብ ሱዳን፣ ሱዳን፣ ዩጋንዳ እና የቻይና ከፍተኛ የመንግስት ባለስልጣናት ተካፍለዋል።

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ዘወትር ከእኛ ጋር ስላሉ እናመሰግናለን!
You might also like

Leave A Reply

Your email address will not be published.