የኢድ አል አድሃ በዓል በሰላም እንዲከበር አስፈላጊው ዝግጅት ተደርጓል – የደቡብ ክልል ፖሊስ

የኮሚሽኑ የሕዝብ ግንኙነትና ኮምዩኒኬሽን ዳይሬክተር ረዳት ኮሚሽነር ጁሃር ሙሳ÷ በክልሉ የሚገኙ የጸጥታ አካላት ከሃይማኖት መሪዎችና አባቶች ጋር በመተባባር የቁጥጥር፣ የፍተሻና ሰላማዊ እንቅስቃሴ እንዲኖር በመስራት ላይ እንደሚገኙ ተናግረዋል።

በበዓሉ ዕለት ለታዳሚዎች መንገድ የማስከፈት፣ የተጓዦች ንብረትና ተሽከርካሪ እንዳይጠፋና እንዳይሰረቅ ክትትልና ጥበቃ ይደረጋል ብለዋል።

ምዕመኑ በዓሉን ተሰባስበው በሚያከብሩባቸው አካባቢዎች የትራፊክ መጨናነቅ እንዳይኖር የሚያስችሉ ቅድመ ዝግጅቶች መከናወናቸውንም ረዳት ኮሚሽነሩ ተናግረዋል።

ሕዝበ ሙስሊሙና ሌሎች የሕብረተሰብ ክፍሎች ወንጀልና ለደህንነት አጠራጣሪ የሆኑ ነገሮች ሲያጋጥሙ ለአካባቢው ፖሊስ ጥቆማ እንዲሰጡ ረዳት ኮሚሽሩ ጥሪ ማቅረባቸውን ኢዜአ ዘግቧል።

1 ሺህ 443ኛው የኢድ አል አድሃ (አረፋ) በዓል በእስልምና እምነት ተከታዮች ዘንድ ነገ ይከበራል።

ወቅታዊ፣ ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision

ዘወትር ከእኛ ጋር ስላሉ እናመሰግናለን!