በአዲስ አበባ ከታሪፍ ጋር በተያያዘ የሚታዩ ችግሮችን ለመፍታት ያለመ ምክክር ተደረገ

የትራንስፖርትና ሎጂስቲክስ ሚኒስትር ወይዘሮ ዳግማዊት ሞገስ መንግስት የህዝብ ትራንስፖርት አገልግሎት የሚሰጡ ተሸከርካሪዎችን ብቻ በመለየት ድጎማ ማድረግ መጀመሩን ገልጸዋል፡፡

ትግበራው ውጤታማ የሚሆነው ተደጓሚ ተሽከርካሪዎቹ በተቀመጠው ታሪፍ መሠረት ብቻ ማገልገል ሲችሉ መሆኑን ተናግረዋል፡፡

ይሁንና በአዲስ አበባ ከተማና በተቀሩትም የሀገራችን ክፍሎች በታሪፍ የማገልገልና የመገልገል ሁኔታ ውስን መሆኑን በመግለፅ ቁጥጥር ሊደረግ ይገባል ነው ያሉት።

ከክልልና ከተማ አስተዳደር የትራንስፖርት መዋቅር ጋር በጋራ በመሆን ህብረተሰቡ በተቀመጠው ታሪፍ ብቻ እንዲገለገል ለማድረግ የሚያስችል ምክክር መደረጉን እና ክልሎች እና የድሬዳዋ ከተማ አስተዳደር ግብረሃይል በማደራጀት ጭምር ቁጥጥር ማድረግ መጀመራቸውን አንስተዋል፡፡

በሌላ በኩል በመላ ሀገሪቱ የታለመለት የነዳጅ ድጎማ ተጠቃሚ የሆኑ ከ141 ሺህ በላይ የህዝብ ትራንስፖርት አገልግሎት ሰጪ ተሽከርካሪዎችን በማገልገል ላይ የሚገኙ የነዳጅ ማደያዎች ያላቸውን ሚና በአግባቡ እንዲወጡ ማድረግ አስፈላጊ በመሆኑ ቁጥጥርን ማጠናከር እንደሚገባ ገልፀዋል፡፡

የድጎማ ስርአቱ የታለመለትን ግብ እንዲመታ የታሪፍ ቁጥጥር ማድረግ ወሳኝ በመሆኑ ከትራንስፖርት ተቆጣጣሪዎችና ከፀጥታ መዋቅሮች ጋር በቅንጅት መስራት እንደሚገባ መግለጻቸውን የሚኒስቴሩ መረጃ ያመላክታል፡፡

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision
ዘወትር ከእኛ ጋር ስላሉ እናመሰግናለን!