“የዋግ ላስታ ህዝቦች ታሪክና ለኢትዮጵያ ያበረከቱት አስተዋጽኦ “በሚል የፓናል ወይይት እየተካሄደ ነው

በዋግ ኽምራ ብሄረሰብ አስተዳር በሰቆጣ ከተማ የሻደይ በዓልን ምክንያት በማድረግ የተለያዩ ጥናታዊ ጹሁፍ በፓናል ውይይት መልኩ መቅረብ ጀምሯል ።

በውይይቱ ምክትል ጠቅላይ ሚኒስትርና የውጭ ጉዳይ ሚኒስትር አቶ ደመቀ መኮንንን ጨምሮ የአማራ ክልል ርዕሰ መስተዳደር ዶክተር ይልቃል ከፋለ፣ የገንዘብ ሚኒስትር አቶ አህመድ ሺዴ ፣ የንግድ ሚኒስትር አቶ መላኩ አለበል ፣ የትምህርት ሚኒስትር ፕሮፌሰር ብርሃኑ ነጋ፣ የዳሎል ማዕከላዊ ዕዝ ጀኔራሎችና የጦር መኮንኖች እንዲሁም ጥሪ የተደረገላቸው እንግዶች ተገኝተዋል ።

የዋግ ኽምራ ብሄረሰብ አስተዳደር ምክር ቤት ዋና አፈ ጉባኤ ወይዘሮ ፈንታይቱ ካሴ ÷ በመድረኩ የእንኳን ደህና መጣችሁ ንግግግር ማድረጋቸውን ከሰቆጣ ከተማ ኮሙኒኬሽን ያገኘነው መረጃ ያመላክታል፡፡

የአገው ህዝቦች ታሪክ ፣ የዋግና ላስታ ህዝብ ለኢትዮጵያ ያበረከተው አስተዋጽኦ ፣ የተከአሳ ሃብት ምርት ተግዳሮቶችና መፍትሄዎቻቸው ፣ የዋግኽምራ እምቅ ሃብት ፣ የዋግ ማር ዕድሎች እና ችግሮች የሚሉ ጥናታዊ ጹሁፎች ቀርበው የጋራ መፍትሄ ይቀመጣል ተብሎ ይጠበቃል ።