Fana: At a Speed of Life!

በአቶ አደም ፋራህ የተመራ ልዑክ በቤኒሻንጉል ጉሙዝ የልማት ሥራዎችን ጎበኘ

አዲስ አበባ፣ ነሐሴ 19፣ 2014 (ኤፍ ቢ ሲ) በብልጽግና ፓርቲ ምክትል ፕሬዚዳንት አቶ አደም ፋራህ የተመራ ከፍተኛ የአመራሮች ልዑካን ቡድን በቤኒሻንጉል ጉሙዝ ክልል የሚገኙ የተለያዩ የልማት ሥራዎችን ጎበኘ፡፡

ልዑኩ ከክልሉ ርዕሰ መስተዳድር አሻድሊ ሀሰን እና ከሌሎች ከፍተኛ አመራሮች ጋር በመሆን በአሶሳ ከተማ እየተከናወኑ የሚገኙ የልማት ሥራዎችን ተመልክቷል፡፡

የልዑካን ቡድኑ አባላት÷ በአሶሳ ከተማ የሚገኘውን የዘይት ማምረቻ ዩኒዬን እንዲሁም በከብት ማድለብ የተሰማሩ ማኅበራትንና ግለሰቦችን ጎብኝተዋል፡፡

ከጉብኝቱ ባሻገር ልዑኩ ከክልሉ ከፍተኛ አመራሮች ጋር መወያየታቸውን የክልሉ ኮሙኒኬሽን መረጃ ያመለክታል፡፡

በጉብኝቱ ላይ የብልጽግና ፓርቲ ምክትል ፕሬዚዳንት አቶ አደም ፋራህ፣ የብልጽግና ፓርቲ የፖለቲካ ፓርቲዎችና የሲቪል ማኅበራት ዘርፍ ኃላፊ ዶክተር አለሙ ስሜ፣ የፓርቲው የዴሞክራሲ ስርዓት ግንባታ ማስተባበሪያ ማዕከል ዘርፍ አስተባባሪ አቶ አብርሐም አለኸኝ፣ የቤኒሻንጉል ጉሙዝ ክልል ርዕሰ መስተዳድር አቶ አሻድሊ ሀሰን እንዲሁም የፌዴራል እና የክልሉ ከፍተኛ የሥራ ኃላፊዎች ተገኝተዋል::

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር ከእኛ ጋር ስላሉ እናመሰግናለን!

You might also like

Leave A Reply

Your email address will not be published.