Fana: At a Speed of Life!

በሐረሪ ክልል በወቅታዊ ሀገራዊ ጉዳዮች ላይ ከወጣቶች ጋር ውይይት ተካሄደ

አዲስ አበባ፣ ነሐሴ 29፣ 2014 (ኤፍ ቢ ሲ) በብልፅግና ፓርቲ የሐረሪ ክልል ቅርንጫፍ በወቅታዊ ሀገራዊ ጉዳዮች ላይ በክልሉ ከሚገኙ ወጣቶች ጋር የውይይት መድረክ አካሄደ።

በመድረኩ በክልሉ ከከተማና ከገጠር የተውጣጡ በርካታ ቁጥር ያላቸው ወጣቶች ተሳትፈዋል።

በውይይቱ የተገኙት የክልሉ ብልፅግና ፓርቲ ቅርንጫ ጽህፈት ቤት ኃላፊ አቶ አብዱጀባር መሀመድ እንደገለጹት÷ አሸባሪው ህወሓት በተደጋጋሚ የቀረበለትን የሰላም ጥሪ ወደ ጎን በመተው ለሦስተኛ ጊዜ በሀገሪቱ ላይ ጦርነት ከፍቷል።

የሽብር ቡድኑ ሕፃናትን ወደ ጦርነት በማሰለፍ ለትግራይ ህዝብ እንደማያስብ በተግባር ማረጋገጡን ጠቅሰው÷ ጦርነቱም ከሀገር ውስጥ አሸባሪዎች እና ከውጭ ሀይሎች ጋር በመቀናጀት እንደከፈተ ነው የተናገሩት፡፡

እየተካሄደ የሚገኘው ሀገርን የመታደግ ተግባር የትግራይ ህዝብን ጨምሮ መላው ኢትዮጵያውያንን ነፃ ለማውጣት መሆኑንም ገልጸዋል፡፡

አሸባሪው ቡድን የከፈተውን ጦርነት ለመመከት መከላከያ ሰራዊት ከሌሎች የፀጥታ ኃይሎች ጋር በመሆን ተጋድሎ እያደረገ እንደሚገኝ የገለጹት ደግሞ÷ የክልሉ ብልፅግና ፓርቲ ጽህፈት ቤት ምክትል ኃላፊ አብዱልሃኪም ኡመር ናቸው፡፡

በመድረኩ የተገኙት ወጣቶች በበኩላቸው÷ አሸባሪው ህወሓት የከፈተውን ጦርነት ለመመከት አስፈላጊውን ድጋፍ እንደሚያደርጉ አረጋግጠዋል።

በተለይም ለሀገር መከላከያ ሰራዊትና ለሌሎች የፀጥታ አካላት እስከ ህይወት መስዋዕትነት የሚደርስ ድጋፍ ለማድረግ መዘጋጀታቸውን አንስተዋል።

ወጣቱ አንድነቱን በማጠናከር፣ የአካባቢውን ሰላም በመጠበቅና በማህበራዊ ሚዲያ ላይ የሚለቀቁ የተሳሳቱ መረጃዎችን መከላከል እንደሚገባው መገለጹን ከክልሉ ኮሙኒኬሽን የተገኘው መረጃ ያመላክታል፡፡

 

You might also like

Leave A Reply

Your email address will not be published.