Fana: At a Speed of Life!

የሰነቅነውን ራዕይ ለማሳካት በጠንካራና በአዲስ የስራ ባህል ወደፊት መጓዝ ይገባል – ወ/ሮ ሙፈሪሃት ካሚል

አዲስ አበባ፣ ጳጉሜን 1፣ 2014 (ኤፍ ቢ ሲ) በአዲሱ አመት ኢትዮጵያውያን የሰነቅነውን ራዕይ እውን ለማድረግ በጠንካራና በአዲስ የስራ ባህል ታግዘን ወደፊት መጓዝ አለብን ሲሉ የሥራ እና ክህሎት ሚኒስትር ወይዘሮ ሙፈሪሃት ካሚል ጥሪ አቅርበዋል፡፡

ለኢትዮጵያ ህዝብ ለ2015 አዲስ አመት የእንኳን አደረሳችሁ መልዕክት ያስተላለፉት ወይዘሮ ሙፈሪሃት ካሚል÷ አዲሱ አመት የሰላም፣ የጤና፣ የፍቅር የመከባበርና የመተሳሰብ ዘመን እንዲሆን መልካም ምኞታቸውን ገልጸዋል፡፡

አዲሱ አመት ኢትዮጵያ የጀመረችውን የብልፅግና ጉዞ በላቀ ደረጃ የምታሳካበትና ሰላሟን ለማረጋገጥ የምታጠናክርበት እንዲሆን እመኛለሁም ነው ያሉት፡፡

ዜጎች ሰርተውና ለፍተው የብልፅግናን ጉዞ እንዲያሳኩ የሚጥሩበት አመት እንዲሆን እመኛለሁ ያሉት ሚኒስትሯ÷ 2014 ዓ.ም እየተደራጀን እየሰራን ጉዟችንን የጀመርንበትና መሰረት የጣልንበት አመት ነው ብለዋል፡፡

ኢትዮጵያን ተወዳዳሪ ለማድረግ ሚኒስቴር መስሪያ ቤታቸው እንደሚሰራ ጠቅሰው÷ ለዚያም እንተጋለን ብለዋል በመልዕክታቸው።

ተቋሙ የሰነቀውን ራዕይ እውን የማድረግ ብቁ የሰው ሀብት ምቹና አስተማማኝ እንዲሁም የስራ እድል የሞላባት ኢትዮጵያን የማየት ትልም አለንም ብለዋል፡፡

የሰነቅነው ራዕይ እውን ይሆን ዘንድ በየደረጃው ያሉ ስራ ፈጣሪዎች፣ አሰሪዎች፣ የመንግስት አካላት፣ አጋር ድርጅቶች እንዲሁም ህዝቡ አዲሱን እሳቤ በጠንካራና በአዲስ የስራ ባህል በማገዝ ወደፊት እንድንጓዝ ሲሉም ጥሪ አቅርበዋል፡፡

መጪው አዲስ አመት የስራ ባህላችንን የምንለውጥበት፣ የምናሻሽልበትና በክህሎት ብቁና ተወዳዳሪ የሆነ ዜጋ እንዲኖር፣ በልቶ ከማደር በላይ ጥራት ያለውን ስራ መፍጠር የምንችልበት ጊዜ እንዲሆን መስራት ይገባል ሲሉም አስገንዝበዋል።

በሻምበል ምህረት

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.