Fana: At a Speed of Life!

ፕሬዚዳንት ሣህለወርቅ ዘውዴ የእንኳን አደረሳችሁ መልዕክት አስተላለፉ

አዲስ አበባ፣ ጳጉሜን 5፣ 2014 (ኤፍ ቢ ሲ) የኢፌዴሪ ፕሬዚዳንት ሣህለወርቅ ዘውዴ የ2015 አዲስ ዓመትን አስመልክተው ለመላው ኢትዮጵያውያን የእንኳን አደረሳችሁ መልዕክት አስተላልፈዋል፡፡

ፕሬዚዳንት ሣህለወርቅ በመልዕክታቸው ÷  ባለፈው ዓመት ሀገራችን ኢትዮጵያ እና ህዝቦቿ በእጅጉ የተፈተኑቡት ዓመት እንደነበር አንስተዋል፡፡

በ2014 ዓ.ም በኢትዮጵያ የብዙዎች ህይዎት ማለፉን፣ በርካታ ዜጎች መፈናቀላቸውን እንዲሁም በሀገር ሉዓላዊነት ላይ አደጋ የተደቀነበት ዓመት እንደነበር ም አስታውሰዋል፡፡

ይሁን እንጅ ከጨለማ በኋላ ብርሃን፣ ከክረምት በኋላ በጋ አለ ያሉት ፕሬዚዳንቷ÷ ችግርም ሆነ ደስታ ካልተሰራበት ከሰማይ የሚወድቅ መና አለመሆኑን አስረድተዋል፡፡

አዲስ ዓመት በግለሰብም ሆነ በሀገር ደረጃ ትልቅ ቦታ የሚሰጠው መሆኑን ገልጸው÷ ይህም ለአዳዲስ ፈጠራዎች እና አስተሳሰቦች ብርቱ ተወናዮች እንድንሆን በር የሚከፍት ነው ብለዋል፡፡

በአዲሱ ዓመት ልንፈፅማቸው በምንፍልጋቸው እቅዶች ላይ ውሳኔ በማሳለፍ ማንኛውም ዜጋ ተስፋ ላይ ተመስርቶ አዳዲስ እቅዶችን በማውጣት ተግባራዊነታቸው ላይ  የበኩሉን ድርሻ እንዲወጣ ጠይቀዋል፡፡

በአዲሱ ዓመት በርካታ ስራዎች ይጠብቁናል ያሉት ፕሬዚዳንት ሣህለወርቅ÷ በተፈጥሮ እና ሰው ሰራሽ አደጋ  የተጎዱ  እና አስከፊ ጊዜን እያሳለፉ የሚገኙ  ወገኖችን መልሶ ለማቋቋም  ሁሉም  ዜጋ የበኩሉን እንዲወጣ ጥሪ አቅርበዋል፡፡

You might also like

Leave A Reply

Your email address will not be published.