Fana: At a Speed of Life!

በንግድ ሽፋን የጦር መሳሪያ ሲነግድ የነበረ ተጠርጣሪ በቁጥጥር ስር መዋሉን ፖሊስ አስታወቀ

አዲስ አበባ፣ መስከረም 11፣ 2015 (ኤፍ ቢ ሲ) በአዲስ አበባ ከተማ በመጠጥ ንግድ ሽፋን የጦር መሳሪያ ሲነግድ የነበረ ተጠርጣሪ ግለሰብ በቁጥጥር ስር መዋሉን የአዲስ አበባ ፖሊስ አስታወቀ፡፡

በተጠርጣሪው መኖሪያ ቤት በተደረገ ፍተሻ የተለያዩ የጦር መሳሪያዎች እና ተተኳሽ ጥይቶችን ጨምሮ 80 ሺህ ሀሰተኛ ብር ተይዟል ተብሏል፡፡

ተጠርጣሪው በቁጥጥር ስር የዋለው በአቃቂ ቃሊቲ ክፍለ ከተማ ወረዳ 12 መብራት ኃይል አካባቢ መሆኑን የአዲስ አበባ ከተማ ፖሊስ መረጃ ያመላክታል፡፡

ግለሰቡ መጠጥ እንደሚሸጥ  በማስመሰል የተለያዩ የጦር መሳሪያዎችን በድብቅ እንደሚሸጥ በፖሊስ በተደረገ ጥናት እና ከህብረተሰቡ በተገኘ ጥቆማ መረጋገጡ ተጠቅሷል፡፡

 

በዚህም በግለሰቡ ጠላ መሸጫ ቤት በሕግ አግባብ በተደረገ ብርበራ ሁለት ጠብመንጃ እና 235 ጥይቶች እንደተያዙ  ተገልጿል፡፡

 

በተጠርጣሪ ግለሰቡ ላይም ምርመራ እየተጣራ መሆኑ ተገልፆ ህብረተሰቡ ከፀጥታ አካላት ጋር በመቀናጀት  ወንጀሎችን ለመከላከል እያደረገ ያለውን ድጋፍ አጠናክሮ እንዲቀጥል ጥሪ ቀርቧል።

 

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.