Fana: At a Speed of Life!

የሙስሊም ወንድማማችነት መንፈሳዊ መሪ በ96 ዓመታቸው ዐረፉ

አዲስ አበባ፣ መስከረም 16፣ 2015( ኤፍ ቢ ሲ) የሙስሊም ወንድማማችነት (ሙስሊም ብራዘርሁድ) ድርጅት መንፈሳዊ መሪ ዩሱፍ አል ቃራዳዊ በ96 ዓመታቸው ከዚህ ዓለም በሞት ተለዩ።

መኖሪያቸውን ለዓመታት በኳታር ያደረጉት አል-ቃራዳዊ ጤናቸው ታውኮ መቆየቱን “መና “ የተሰኘው የግብጽ የዜና አገልግሎት ኤጄንሲ ዘግቧል፡፡

አል-ቃራዳዊ በበርካታ ሀገራት የሽብር ዝርዝር ውስጥ ተመዝግበው መቆየታቸውም ነው የተገለጸው፡፡

በፈረንጆቹ 2003 አሜሪካ ኢራቅን በወረረችበት ወቅት አል-ቃራዳዊ ጠንካራ ተቃውሟቸውን ሲያሰሙ መቆየታቸው ተጠቅሷል፡፡

አል-ቃራዳዊ ከሌሎች የ”ሙስሊም ወንድማማችነት” አመራሮች ጋር በፈረንጆቹ 2015 በግብፅ ፍርድ ቤት የሞት ቅጣት ተላልፎባቸው እንደነበርም ይታወሳል፡፡

አል-ቃራዳዊ እና ተከታዮቻቸው ላይ በግብፅ የተላለፈባቸው የሞት ፍርድ፥ በፈረንጆቹ 2011 ላይ በጅምላ ከእስር ቤት ሰብረው ካመለጡት እስረኞች ጉዳይ ጋር ሳይያያዝ እንዳልቀረም ተጠቁሟል፡፡

በዓረብ ሀገራት በነፃነት እንዳይንቀሳቀሱ ከተጣለባቸው ማዕቀብ በተጨማሪ፥ ከፈረንጆቹ 2012 ጀምሮ ወደ አውሮፓ÷ ፈረንሳይ እና ብሪታኒያ እንዳይገቡ ማዕቀብ ተጥሎባቸው ቆይቷል፡፡

ዩሱፍ አል-ቃራዳዊ የሙስሊም ወንድማማችነት መንፈሳዊ መሪ ሆነው ለብዙ ዓመታት አገልግለዋል።

 

You might also like

Leave A Reply

Your email address will not be published.