Fana: At a Speed of Life!

የመጀመሪያው ዙር የ12ኛ ክፍል መልቀቂያ ፈተና አፈፃፀም ተገመገመ

አዲስ አበባ፣ ጥቅምት 5፣ 2015 (ኤፍ ቢ ሲ) የመጀመሪያው ዙር የ12ኛ ክፍል መልቀቂያ ፈተና አፈፃፀም የትምህርት ሚኒስትሩ ብርሃኑ ነጋ በተገኙበት በፌደራል ፖሊስ ዋና መስሪያ ቤት ተገምግሟል።

ፕሮፌሰር ብርሀኑ ነጋ በግምገማው ላይ ባደረጉት ንግግር÷ የኢትዮጵያ ፌደራል ፖሊስ ከክልል ፖሊስና ከሌሎች የፀጥታና ደኅንነት አካላት ጋር በመቀናጀት የተሰጠውን ኃላፊነት በብቃት መወጣቱን ገልጸዋል፡፡

የግምገማ መድረኩ በመጀመሪያው ዙር የፈተና አፈፃፀም ሂደት የነበሩ ውስንነቶችን ለማረምና ጠንካራ ጎኖች እንዲጠናከሩ ለማድረግ አስፈላጊ ነው ማለታቸውን የፌደራል ፖሊሰ መረጃ ያመላክታል፡፡

የኢትዮጵያ ፌደራል ፖሊስ ኮሚሽነር ጀነራል ደመላሽ ገ/ሚካኤል በበኩላቸው÷ የኢትዮጵያ ፌደራል ፖሊስ ከሌሎች የፀጥታና ደኅንነት አካላት ጋር በመሆን ከትምህርት ሚኒስቴር ጋር ተቀናጅቶ ፈተናን በማጀብ፣ ጥብቅ ፍተሻ በማድረግ እና የፈተና ጣቢያ አካባቢ ጥበቃዎችን በማጠናከር ስኬታማ ሥራ ሠርል ብለዋል፡፡

በመጀመሪያው ዙር ያጋጠሙንን ችግሮች በመፍታት የሁለተኛው ዙር ተፈታኞች ያለ ምንም የፀጥታ ችግር ፈተናውን በተሳካ ሁኔታ እንዲያጠናቅቁ የኢትዮጵያ ፌደራል ፖሊስ ከሌሎች የፀጥታና ደኅንነት አካላት ጋር በመሆን በቂ ዝግጅት በማድረግ ወደ ተግባር መግባቱንም ነው የተናገሩት፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.