Fana: At a Speed of Life!

ፈረንሳይ የቅዱስ ላሊበላ አብያተክርስቲያትን ለማደስ የ5 ሚሊየን ዩሮ ድጋፍ አደረገች

አዲስ አበባ፣ ጥቅምት 10፣ 2015 (ኤፍ ቢ ሲ) የፈረንሳይ መንግሥት የቅዱስ ላሊበላ አብያተ ክርስቲያናትን ለማደስና ለመጠበቅ አገልግሎት የሚውል የ5 ሚሊየን ዩሮ ድጋፍ አደረገ፡፡

የዛሬው የድጋፍ ስምምነት÷ ጠቅላይ ሚኒስትር ዐቢይ አሕመድ እና የፈረንሳይ ፕሬዚዳንት ኢማኑኤል ማክሮን ከአራት ዓመት በፊት በሀገሪቱ ያለውን ቅርስ ለመጠበቅ ያደረጉትን ስምምነት ተከትሎ የተደረገ ነው፡፡

አብያተ ክርስቲያናቱን በመጠበቅና በአካባቢው ያሉ ቅርሶችን በመንከባከብ የሚሠራው ሥራ የነዋሪዎችን ኢኮኖሚያዊ ተጠቃሚነት እንደሚሳድግ ተገልጿል፡፡

የገንዘብ ሚኒስትር ዴኤታ ሰመሪታ ሰዋሰው ሰምምነቱን በተፈራረሙበት ወቅት እንደገለጹት÷ ድጋፉ ኢትዮጵያ የቱሪዝም ዘርፉን ለማነቃቃት የምታደርገውን ጥረት ያግዛል፡፡

የፈረንሳይ ልማት ኤጀንሲ ዳይሬክተር ሚስዝ ቫሌሪዬ በበኩላቸው÷ የፈረንሳይ መንግሥት ኢትዮጵያ ያላትን የቱሪዝም አቅም አውጥታ እንድትጠቀም የሚያደርገውን ድጋፍ አጠናክሮ እንደሚቀጥል ተናግረዋል፡፡

በትዕግስት ብርሃኔ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.