Fana: At a Speed of Life!

ሪሺ ሱናክ በይፋ የብሪታኒያ ጠቅላይ ሚኒስትር በመሆን ተሾሙ

 

አዲስ አበባ፣ ጥቅምት 15፣ 2015 (ኤፍ ቢ ሲ) ሪሺ ሱናክ የብሪታንያ ጠቅላይ ሚኒስትር በመሆን በይፋ ተሾሙ።

ሱናክ ተሰናባቿን ጠቅላይ ሚኒስትር እና የብሪታንያ ገዢው ወግ አጥባቂ ፓርቲ መሪ የነበሩትን ሊዝ ትረስን በመተካት መመረጣቸው ይታወሳል።

ዛሬም የሀገሪቱን ንጉስ ቻርለስን በቤኪንግሃም ቤተመንግስት ማግኘታቸውን ተከትሎ በይፋ የሀገሪቱ ጠቅላይ ሚኒስትር በመሆን ተሾመዋል።

ሪሺ ሱናክ ከህንዳውያን ቤተሰቦች በሳውዝሃምፕተን ከተማ የተወለዱ ሲሆን፥ የእንግሊዝ ወግ አጥባቂ ፓርቲ አባል በመሆን ከፈረንጆቹ 2019 እስከ 2020 የእንግሊዝ ፋይናንስ አስተዳደር ሃላፊ በመሆን አገልግለዋል፡፡

57ኛ የብሪታኒያ ጠቅላይ ሚኒስትር የሆኑት የ42 ዓመሩ ሱናክ፥ በ200 ዓመት ውስጥ በእድሜ ትንሹ የሀገሪቱ መሪ ሆነዋል።

የእስያ ደም ያለው የመጀመሪያው መሪም ናቸው።

በእንግሊዝ የተስተዋለው የዋጋ ግሽበትን ማስተካከል የአዲሱ ጠቅላይ ሚኒስትር ተቀዳሚ ተግባር እንደሚሆን ይጠበቃል፡፡

ባለፈው ሳምንት ቦሪስ ጆንሰንን በመተካት ወደ ስልጣን የመጡት ሊዝ ትረስ ከ44 ቀናት የስልጣን ቆይታ በኋላ ስልጣን መልቀቃቸው የሚታወስ ነው፡፡

You might also like

Leave A Reply

Your email address will not be published.