Fana: At a Speed of Life!

“በአገረ-መንግስት ግንባታ የምሁራን ሚና” በሚል ርዕስ ሀገራዊ የምክክር መድረክ እየተካሄደ ነው

አዲስ አበባ፣ ታኅሣሥ 21፣ 2015 (ኤፍ ቢ ሲ)በወላይታ ሶዶ ዩኒቨርሲቲ “በአገረ-መንግስት ግንባታ የምሁራን ሚና” በሚል ርዕስ የምሁራን የምክክር መድረክ ማስጀመሪያ መርሃ-ግብር እየተካሄደ ይገኛል።

በመድረኩ የሠላም ሚኒስትር እና የወላይታ ሶዶ ዩኒቨርሲቲ ሥራ አመራር ቦርድ ሰብሳቢ አቶ ብናልፍ አንዷለም ÷መድረኩ በኢትዮጵያ ዘላቂ ሰላም ለማስፈንና የጋራ ጉዳዮችን በማጉላት ዘላቂ ለውጥ ለማምጣት የሚያስችል ምክረ ሀሳብ የሚነሳበት እና ውይይት የሚደረግበት መሆኑን ገልጸዋል።

በሀገር ግንባታ ላይ የምሁራንን ሚና የላቀ ሚና አለው ያሉት አቶ ብናልፍ ከውይይት መድረኩ ሀገርን የሚጠቅም በርካታ ሀሳብ እንደሚነሳም ይጠበቃል ብለዋል።

ምሁራን በአገረ-መንግሥት ግንባታ ላይ የጎላ ሚና ሊኖራቸው ይገባል ያሉ ሲሆን የምክክር መድረኩ ተሳታፊዎችም ሀገርን የሚያንጽ ሀሳብ በማንሳት የዳበረ ውይይት እንዲያደርጉ ጥሪ አቅርበዋል።

ውይይቱ ዛሬ እና ነገ እንደሚካሄድ ከዩኒቨርሲቲው ያገኘነው መረጃ ያመላክታል፡፡

You might also like

Leave A Reply

Your email address will not be published.