Fana: At a Speed of Life!

በዋግኽምራ ዞን በተለያዩ ወረዳዎች የምግብ እህል እየተሠራጨ ነው

አዲስ አበባ፣ ታኅሣሥ 28፣ 2015 (ኤፍ ቢ ሲ) በአማራ ክልል ዋግኽምራ ብሔረሰብ ዞን ጻግብጂ እና አበርገሌ ወረዳዎች ነዋሪዎች የምግብ እህል እየተሠራጨ መሆኑን የዞኑ አደጋ መከላከልና ምግብ ዋስትና ጽሕፈት ቤት እና ኤፍ ኤች ኢትዮጵያ አስታወቁ፡፡

የዋግኽምራ ዞን አደጋ መከላከልና ምግብ ዋስትና ጽሕፈት ቤት ኃላፊ ተወካይ እና የአደጋ መከላከልና የቅድመ ማስጠንቀቂያ ምላሽ ቡድን መሪ ወይዘሮ ዝናሽ ወርቁ ለፋና ብሮድካስቲንግ ኮርፖሬት እንደገለጹት÷ አመልድ የአስቸኳይ ጊዜ የምግብ ዕርዳታ ለሚያስፈልጋቸው ወገኖች ከትናንት ጀምሮ የምግብ እህል እያሠራጨ ነው፡፡

በዚህም በጻግብጂ ወረዳ በሦስት ቀበሌዎች ለሚኖሩ 7 ሺህ 705 ሰዎች 1 ሺህ 306 ኩንታል መሠራጨቱን ነው የገለጹት፡፡

ሥርጭቱ ዛሬም ሲቀጥል በሁለት ቀበሌዎች ለሚኖሩ 4 ሺህ 203 ሰዎች 712 ኩንታል ይከፋፈላል ነው ያሉት፡፡

በሌላ በኩል በዋግኽምራ ዞን ለአበርገሌ ተፈናቃዮች ዛሬ የተጀመረው የምግብ እህል ስርጭት ለሥድስት ቀናት እንደሚቀጥል የኤፍ ኤች ኢትዮጵያ የአስቸኳይ ጊዜ እርዳታ ፕሮግራም ከፍተኛ የሥራ ኃላፊ ዳንኤል ጥላሁን ለፋና ብሮድካስቲንግ ኮርፖሬት ተናግረዋል።

በዚሁ መሰረት ዛሬ በሁለት ቀበሌዎች ለሚገኙ 3 ሺህ 436 ተጠቃሚዎች፥ 515 ነጥብ 4 ኩንታል ስንዴ፣ 51 ነጥብ 54 ክክ እንዲሁም 1 ሺህ 547 ሊትር ዘይት መሠራጨቱን ነው አቶ ዳንኤል ያረጋገጡት፡፡

ከብዛታቸው አንጻር ለአሠራር አስቸጋሪ ስለሚሆን ለሁሉም የወረዳው ነዋሪዎች በአንድ ቀን ማሰራጭት እንደማይቻል ጠቁመው÷ በየቀኑ ለሁለት ቀበሌዎች ነዋሪዎች በማሠራጨት በሥድስት ቀናት ለማጠናቀቅ እየተሠራ መሆኑን አቶ ዳንኤል በአጽንኦት ገልጸዋል፡፡

በሌላ በኩል በዋግኽምራ ዞን ለሚገኙት ሳኅላ እና ዝቋላ እንዲሁም በደቡብ ጎንደር ዞን ለሚገኙ ስማዳ፣ ታች ጋይንት፣ ላይ ጋይንት እና ሰዴ ሙጃ ወረዳዎች ከዛሬ ጀምሮ የምግብ እህል የማጓጓዝ ሥራ እንደሚጀመር ኃላፊው አረጋግጠዋል፡፡

በዮሐንስ ደርበው

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.