Fana: At a Speed of Life!

አቶ አህመድ ሽዴ በመልሶ ማቋቋም ፕሮጀክት አፈጻጸም ላይ ከተለያዩ ሚኒስትሮች ጋር ተወያዩ

አዲስ አበባ ፣ ጥር 17 ፣ 2015 (ኤፍ ቢ ሲ) የገንዘብ ሚኒስትር አህመድ ሽዴ በግጭት የተጎዱ አካባቢዎች መልሶ የማቋቋም ፕሮጀክት አፈጻጸም ላይ ጉዳዩ በቀጥታ ከሚመለከታቸው ሚኒስትሮችና ሚኒስትር ዴኤታዎች ጋር ተወያዩ፡፡

በውይይት መድረኩ በመልሶ ማቋቋም ሴክሬቴሪያት እና በባለድረሻ አካላት የተጠናው በግጭት አካባቢዎች የደረሰውን ጉዳት መጠን በየዘርፉ ቀርቧል፡፡

በዚህም በሚቀጥሉት አምስት ዓመታት የመልሶ ማቋቋም ፕሮጀክቱ ዝርዝር አፈጻጸም ቀርቦ ውይይት ተደርጎበታል፡፡

አቶ አህመድ ሽዴ÷ የመልሶ ማቋቋም ፕሮጀክቱ ዝርዝር አፈጻጸም በቅርቡ ለህዝቡና ለባለድረሻ አካላት ይፋ አንደሚደረግ አንስተዋል፡፡

በፕሮጀክቱ የላቀ ድርሻ ያላቸው የትምህርት፣ የጤና፣ የግብርና፣ የውሃና ኢነርጂ፣ የሴቶችና ማህበራዊ ጉዳይና በፕሮጀክቱ አፈጻጸም ቀጥተኛ ተሳትፎ ያላቸው ሌሎች ሚኒስቴር መስሪያ ቤቶች በርካታ ስራ ስለሚጠብቃቸው የፕሮጀክት አፈጻጸም አቅማቸውን እንዲያጠነክሩ አሳስበዋል፡፡

በውይይቱ ላይ የተሳተፉት የትምህርት፣ የጤና፣ የግብርና፣ የውሃና ኢነርጂ፣ የሴቶችና ማህበራዊ ጉዳይና ሌሎች ሚኒስትሮች ከየዘርፋቸው አንጻር በመልሶ ማቋቋም ፕሮጀክቱ መካተት አለባቸው ያሏቸውን ሀሳቦች በግብዓትነት አቅርበዋል፡፡

የሴቶችና የህጻናት ጉዳይ ትኩረት አንዲሰጠው መጠየቃቸውንም ከሚኒስቴሩ ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.