Fana: At a Speed of Life!

በኢትዮጵያ ተጨማሪ አንድ ሰው የኮሮናቫይረስ ተገኘበት

አዲስ አበባ፣ ሚያዝያ 1፣ 2012 (ኤፍ.ቢ.ሲ) በኢትዮጵያ ተጨማሪ አንድ ሰው የኮሮናቫይረስ እንደተገኘበት የጤና ሚኒስትር ዶክተር ሊያ ታደሰ አስታወቁ።

በኢትዮጵያ ባለፉት 24 ሰዓት የላቦራቶሪ ምርመራ ከተደረገላቸው 294 ሰዎች መካከል1 ግለሰብ የኮሮና ቫይረስ እንደተገኘበት ነው በፌስቡክ ገፃቸው የገለፁት።

በዚህም በኢትዮጵያ በኮሮና ቫይረስ የተገኘባቸው ሰዎች ቁጥር ወደ 56 ከፍ ብሏል።

ቫይረሱ እንዳለበት የተረጋገጠው ግለሰብ የ43 ዓመት ዜግነቱ ካናዳዊ በትውልድ ኢትዮጵያዊ ሲሆን፥ የጉዞ ታሪክ ያለውና ከካናዳ ወደ ዱባይ ከዚያም ከዱባይ ወደ ኢትዮጵያ የመጣና በለይቶ ማቆያ ውስጥ ያለ መሆኑን አስታውቅዋል።

የኮሮናቫይረስ ወደ ኢትዮጵያ ከገባ ጀምሮ ለ2 ሺህ 790 ሰዎች የላቦራቶሪ ምርመራ መከናወኑንም አስታውቅዋል።
በኢትዮጵያ ቫይረሱ ከተገኘባቸው ሰዎች መካከል አራቱ ያገገሙ ሲሆን፤ ሁለቱ ህይወታቸው ማለፉ ይታወሳል፤ ሌላ ሁለት ግለሰቦች ደግሞ ወደ አገራቸው መሸኘታቸው ይታወሳል።

You might also like

Leave A Reply

Your email address will not be published.