ኦሮሚያ ህብረት ስራ ባንክ የተቀማጭ ገንዘብ መጠኑ 112 ቢሊየን ብር መድረሱን ገለፀ

ባንኩ 18ኛ ዓመት የምስረታ በዓሉን እያከበረ ነው፡፡

በአርሶ አደሮች፣ አርብቶ አደሮችና የህብረት ስራ ማህበራት አማካይነት ከዛሬ 18 አመት በፊት የተመሠረተው ባንኩ የፋይናንስ ተደራሽነቱን በማስፋት ረገድ ሰፊ ስራ ሲሰራ መቆየቱ ተገልጿል።

የባንኩ ፕሬዚዳንት ደርቤ አስፋው፥ የደንበኞችን ቁጥርም ወደ 10 ነጥብ 4 ሚሊየን በማሳደግ በአጭር ጊዜ ውስጥ ውጤታማ መሆን መቻሉን ጠቁመዋል።

ባንኩ ከወለድ ነጻ የባንክ አገልግሎትና የዲጂታል የባንክ አገልግሎትን በማሳደግ ረገድም ዘርፈ ብዙ ስራ ሰርቷልም ብለዋል።

በምስረታ በዓሉ ላይ የባንኩ ባለ ድርሻዎች፣ የህብረት ስራ ማህበራት፣ የባንኩ ሰራተኞችና ጥሪ የተደረገላቸው እንግዶች ተገኝተዋል።