Fana: At a Speed of Life!

በአፍሪካ በኮሮናቫይረስ የተያዙ ሰዎች ቁጥር ከ15 ሺህ በለጠ

አዲስ አበባ፣ ሚያዚያ 6፣ 2012 (ኤፍ.ቢ.ሲ) በአፍሪካ አህጉር በኮሮናቫይረስ (ኮቪድ-19) የተያዙ ሰዎች ቁጥር ከ15 ሺህ መብለጡ የወጡ መረጃዎች ያመለክታሉ።

በአሁኑ ወቅት በዓለም አቀፍ ደረጃ በኮሮና ቫይረስ የተያዙ ሰዎች ቁጥር ከ1 ሚሊየን 900 ሺህ መብለጡን የሚያሳየው የጆን ሆፕኪንስ ዩኒቨርሲቲ መረጃ፤ ከእነዚህም ውስጥ 15 ሺህ 346 በአፍሪካ አህጉር የሚገኙ ናቸው።

በዓለም አቀፍ ደረጃ በቫይረሱ ህይወታቸውን ያጡ ሰዎች ቁጥር ከ119 ሺህ ሲበልጥ፤ በአፍሪካም በኮቪድ-19 ህይወታቸውን ያጡ ሰዎች ቁጥር ከ830 ተሻግሯል።

በአፍርካ ከ2 ሺህ 940 በላይ ሰዎች ደግሞ ከወረርሽኙ ማገገማቸውንም ነው የዩኒቨርሲቲው መረጃ የሚያመላክት ሲሆን፥ በዓለም አቀፍ ደረጃ ደግሞ ከ450 ሺህ በላይ ሰዎች አገግመዋል።

ከአፍሪካ አህጉር 2 ሺህ 272 በቫይረሱ የተያዙ ሰዎችን የያዘችው ደቡብ አፍሪካ ቀዳሚ ስትሆን፤ በሀገሪቱ በኮሮናቫይረስ ከተያዙት ውስጥ የ27 ሰዎች ህይወት ሲያልፍ፤ 410 ሰዎች ማገገማቸውም ነው የተገለፀው።

ግብፅበ እስካሁን ባለው መረጃ መሰረት 2 ሺህ 190 ሰዎች በቫይረሱ የተያዙ ሲሆን፥ ከእነዚህም 589 ሲያገግሙ፤ 164 ሰዎች ህይወታቸው አልፏል።

በአልጄሪያም 1 ሺህ 983 ሰዎች በቫይረሱ ሲያዙ፥ 313 ሰዎች ህይወታቸው አልፎ፤ 601 ሰዎች ደግሞ አገግመዋል።

ወደ ምስራቅ አፍሪካ ስንመጣ ኬንያ 208 ሰዎች በቫይረሱ እንደተያዙ ያስታወቀች ሲሆን፥ ከእነዚህም 40 ሰዎች ሲያገድሙ፤ 9 ሰዎች ደግሞ ህይወታቸው አልፏል።

በጂቡቲ 298 ሰዎች፣ በኤርትራ 34 ሰዎች፣ በሶማሊያ 60 ሰዎች፣ ሱዳን 29 ሰዎች እንዲሁም ደቡብ ሱዳን 4 በቫይረሱ መያዛቸውን መረጃዎች ይጠቁማሉ።

በኢትዮጵያም እስከ ትናንትናው እለት ባለው መረጃ በአጠቃላይ ቫይረሱ የተገኘባቸው ሰዎች ቁጥር 74 የደረሰ ሲሆን፥ ከእነዚህም 14 ሲያገግሙ፤ 3 ሰዎች ደግሞ ህይወታቸው አልፏል።

You might also like

Leave A Reply

Your email address will not be published.