ቱርክ የኮቪድ 19 ወረርሽኝ መከላከያ ቁሳቁሶችን ለኢትዮጵያ ድጋፍ አደረገች

የሴቶች፣ ሕጻናትና ወጣቶች ሚኒስትር ወይዘሮ ፊልሰን አብዱላሂ በርክክቡ ወቅት እንደተናገሩት፥ የቱርክ መንግስት በዚህ አስከፊ ወቅት ከኢትዮጵያ መንግስት ጎን በመሆን ላደረገው ድጋፍ አመስግነው፤ ይህም በሀገራቱ መካከል የጠበቀ ግንኙነት ለመኖሩ ትልቅ ማሳያ እንደሆነ ተናግረዋል።

አያይዘውም ድጋፉ ወረርሽኙን ለመከላከል እንደ አገር እየተደረገ ላለው ርብርብም የበኩሉን እገዛ እንደሚያደረግ መግለፃቸውን የሚኒስቴሩ መረጃ ያመለክታል።

በኢትዮጵያ የቱርክ አምባሳደር ሚስትረስ ያፕላክ አልፕ በበኩላቸው፥ በሁለቱ ሀገራት መካከል በባህል፣ በታሪክና በዲፕሎማሲው መስክ የቆየ ወዳጅነት መኖሩን አስታውሰው፤ በኢኮኖሚው ረገድም የሀገሪቱ ኢንቨስተሮች በኢትዮጵያ ከፍተኛ መዋዕለ ንዋይ እያፈሰሱ መሆኑን ጠቁመዋል።

የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።