Fana: At a Speed of Life!

አሜሪካ ከኮሮና ቫይረስ ወረርሽኝን ጋር በተያያዘ 3 ትሪሊየን ዶላር ልትበደር ነው

አዲስ አበባ፣ ሚያዝያ27፣2012(ኤፍ.ቢ.ሲ) አሜሪካ የኮሮና ቫይረስ ወረርሽኝን ስርጭት ለመግታትና ከዚሁ ጋር ተያይዞ የመጣባትን የኢኮኖሚ ጫና ለመቋቋም 3 ትሪሊየን ዶላር ልትበደር መሆኑ ተሰምቷል።

ይህ ብድር በዋነኛነት የጤና ስርዓቱን ለማጠናከርና በወረርሽኙ የተጎዱትን በገንዘብ ለመደገፍ እንደሚውልም ነው የተገለጸው።

የትራንፕ አስተዳደር ከዚህ ቀደም ከወረርሽኙ ጋር በተያያዘ ብድር የወሰደ ሲሆን፥ አሁን የሚወስደው የ3 ትሪሊየን ዶላር ብድር በሀገሪቱ ታሪክ ከፍተኛው ነው ተብሏል።

የብድሩ መጠን ከባለፈው የሩብ ዓመት ጋር ሲነጻጸር ከአምስት እጥፍ በላይ መሆኑም ነው የተነገረው።

አሜሪካ  ብድሩን የምትወስደው የመንግስት ቦንድ በመሸጥ  ሲሆን ÷ በአሁኑ ወቅት አጠቃላይ የአሜሪካ መንግስት ብድር 25 ትሪሊየን ዶላር የሚጠጋ መሆኑን መረጃዎች ያመላክታሉ ።

ምንጭ፦ ቢ.ቢ.ሲ

ትኩስ መረጃዎችን በፍጥነት ለማግኘት የቴሌግራም ገፃችንን ሰብስክራይብ ያድርጉ!

https://t.me/fanatelevision

You might also like

Leave A Reply

Your email address will not be published.