Fana: At a Speed of Life!

የፓን አፍሪካ የመንግስት – የግል ተቋማት ትብብር ልማት ማዕከል ዋና መስሪያ ቤቱን በአዲስ አበባ ሊከፍት ነው

አዲስ አበባ ፣ ሐምሌ 21፣ 2015 (ኤፍ ቢ ሲ) የፓን አፍሪካ የመንግስት – የግል ተቋማት ትብብር ልማት ማዕከል ዋና መስሪያ ቤቱን በአዲስ አበባ ሊከፍት መሆኑን የድርጅቱ መስራችና ዋና ስራ አስፈጻሚ ኦክሳና ማዮሮቫ (ፕ/ር) ገልጸዋል።

ዋና ስራ አስፈጻሚዋ ከፋና ብሮድካስቲንግን ኮርፖሬት ጋር ባደረጉት ቆይታ እንዳሉት፥ ጠንካራ የመንግስት እና የግል ተቋማት ትብብር የተረጋጋ የኢኮኖሚ ስርዓት ለመፍጠር እና የሃገርን ሃብት ካልተገባ ውጫዊ ተጽእኖ ነጻ ለማድረግ የሚያስችል ሁንታን ይፈጥራል።

የመንግስት የግል ትብብርን በስርዓተ ትምህርት ደረጃ ቀርጸው ከሁለት ሺህ በላይ ለሚሆኑ የአፍሪካ ወጣት ምሁራን በበይነ መረብ የታገዘ የድህረ ምረቃ ስልጠና እየሰጡ መሆናቸውንም ተናግረዋል።

አያይዘውም የመጀመሪያዎቹ ተመራቂዎች ኢትዮጵያውያን ተማሪዎች መሆናቸውን ገልጸዋል።

ከሚዛን ቴፒ እና ከእንጅባራ ዩኒቨርሲቲዎች የተውጣጡ 17 ተማሪዎች ስልጠናውን በላቀ ውጤት አጠናቀው ከታወቁ የሩሲያ ዩኒቨርሲቲዎች የምስክር ወረቀት መቀበላቸውንም ጠቁመዋል።

ምሩቃኑ ኢትዮጵያ የመንግስትና የግል ተቋማት ትብብርን ለማጠናከር የምታደርገውን ጥረት ለማገዝ የሚያስችል ክህሎት መጨበጣቸውንም ነው የሚናገሩት።

ተቋሙ በቀጣይም በተለያዩ መስኮች ከኢትዮጵያ እና ከሌሎች የአፍሪካ ሀገራት ጋር በትብብር ለመስራት በከፍተኛ በጀት የሚታገዙ የተለያዩ ፕሮጀክቶችን ቀርጾ በመንቀሳቀስ ላይ መሆኑንም አስረድተዋል።

ለዚህ ስኬታማነትም በአፍሪካ ደረጃ ዋና መቀመጫውን በቀጣይ መስከረም ወር በአዲስ አበባ ለመክፈት ዝግጅት አጠናቋል ነው ያሉት።

ማዕከሉ በኢትዮጵያ በአካባቢ ጥበቃ፣ በቡና እና ሙዝ ልማት ላይ የተሰማሩ አርሶ አደሮችን ክህሎት እና የገቢ በማሳደግ በተጠናከረ የመንግስት የግል ትብብር ማዕቀፍ ውስጥ በማለፍ ለሀገር የኢኮኖሚ እድገት የበኩላቸውን አስተዋጽኦ እንዲያበረክቱ የማስቻል አላማ ያነገበ መሆኑንም ነው የገለጹት።

በወንደሰን አረጋኸኝ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.