Fana: At a Speed of Life!

በመዲናዋ ከ2 ቢሊየን ብር በላይ በሆነ ወጪ የተገነቡ ፕሮጀክቶች እየተመረቁ ነው

አዲስ አበባ፣ ሐምሌ 22፣ 2015 (ኤፍ ቢ ሲ) የአዲስ አበባ ከተማ አስተዳደር ከ 2 ቢሊየን ብር በላይ በማውጣት በተለያዩ ክፍለ ከተሞች ያስገነባቸውን 100 ፕሮጀክቶች እያስመረቀ ነው።

ፕሮጀክቶቹን መርቀው ለአገልግሎት ክፍት እያደረጉ ያሉት የአዲስ አበባ ከተማ አስተዳደር ከንቲባ አዳነች አቤቤ፤ ፕሮጀክቶቹ የህዝቡን ጥያቄ በማድመጥ የተሰጡ ምላሾች እንደሆኑ አንስተዋል።

ፕሮጀክቶቹ የትምህርትና የጤና አገልግሎት የሚሰጡ መሆናቸው ተገልጿል።

72 ፕሮጀክቶች የትምህርት ዘርፍ ሲሆኑ ቀሪዎቹ 28 ፕሮጀክቶች ደግሞ የጤና አገልግሎት የሚሰጡ ናቸው።

ከንቲባዋ በመልዕክታቸው ፕሮጀክቶቹ ከህዝብ የተነሱ ጥያቄዎችን እንደሚመልሱ ገልጸው፥ የህብረተሰቡን አዳጊ ፍላጎት ታሳቢ ያደረጉ መሆናቸውን ተናግረዋል።

 

“በተገኘው ውጤት እየበረታን የህዝብ አገልጋይነታችንን በተግባር እያረጋገጥን ይበልጥ ለመስራት የምንተጋ ስለመሆኑ ፕሮጀክቶቹ ህያው ምስክር ናቸው” ብለዋል።

 

ፕሮጀክቶቹ በፍጥነት ተጀምረው እንዲጠናቀቁ አስተዋጽኦ ለነበራቸው አካላትም ምስጋና አቅርበዋል።

በትዕግስት አስማማው

You might also like

Leave A Reply

Your email address will not be published.