Fana: At a Speed of Life!

አሜሪካ ለታይዋን የ345ሚሊየን ዶላር ወታደራዊ ድጋፍ ይፋ አደረገች

አዲስ አበባ፣ ሐምሌ 22፣ 2015 (ኤፍ ቢ ሲ) አሜሪካ ለታይዋን የ345 ሚሊየን ዶላር ወታደራዊ ድጋፍ ይፋ አድርጋለች፡፡

ድጋፉ ታይዋን ከየትኛውም አካል ሊቃጣ የሚችልን ትንኮሳ በራሷ አቅም ለመከላከል የምታደርገውን ጥረት እንደሚያሳድግ ተመላክቷል፡፡

የድጋፍ ማዕቀፉ የአየር መቃወሚያ፣ ሚሳኤል፣ ወታደራዊ ስልጠና እና ሌሎች ጦር መሳሪያዎችን ያካተተ ነው ተብሏል፡፡

የታይዋን መከላከያ ሚኒስቴር÷ ዩናይትድ ስቴትስ ለታይዋን ዘላቂ ሰላም መከበር ያሳየችው ቁርጠኝነት የሚደነቅ ነው ሲል አውስቷል፡፡

ታይዋን እና አሜሪካ በቀጣይ በቀጠናው ያለውን ሰላም ለማስጠበቅ በትብብር እና በቅርበት መስራታቸውን እንደሚቀጥሉም አረጋግጧል፡፡

በአሜሪካ የቻይና ኤምባሲ ቃል አቀባይ ሊዩ ፔንግዩ በበኩላቸው÷ አሜሪካ ለታይዋን የምታደርገውን ወታደራዊ ድጋፍ በአስቸኳይ እንድታቆም ማሳሰባቸውን አልጀዚራ ዘግቧል፡፡

ዋሺንግተን በታይዋን ቀጠና አዳዲስ ሁነቶችን በመፍጠር አካባቢው ወደ ውጥረት እንዲያመራ የምታደርገውን ሙከራ እንድታቆምም ጠይቀዋል፡፡

You might also like

Leave A Reply

Your email address will not be published.