Fana: At a Speed of Life!

ፕሬዚዳንት ፑቲን የአፍሪካ የሰላም ሐሳብ ለሩሲያ-ዩክሬን ሰላም መሰረት ሊሆን ይችላል አሉ

አዲስ አበባ፣ ሐምሌ 23፣ 2015 (ኤፍ ቢ ሲ) ፕሬዚዳንት ፑቲን በአፍሪካ መሪዎች የቀረበው የሰላም ሐሳብ በሩሲያ-ዩክሬን የሚካሄደውን ጦርነት ለማስቆም የሰላም መሰረት ሊሆን እንደሚችል ገለጹ፡፡

ሬውተርስን ጠቅሶ አልጄዚራ እንደዘገበው÷ የአፍሪካ መሪዎች ያቀረቡት የሰላም ዕቅድ ምንም እንኳን ሙሉ ዝርዝሩ ይፋ ባይደረግም ግጭቱን ለማርገብ ተከታታይ እርምጃዎችን ያመላከተ ነው፡፡

ከእነዚህም መካከል÷ የሩሲያ ጦር ወደኋላ መመለስ፣ የሩሲያ ታክቲካዊ የኒውክሌር ጦር መሳሪያ ከቤላሩስ ማስወጣት፣ የዓለም አቀፍ የወንጀለኞች ፍርድ ቤት (አይ ሲ ሲ) በፑቲን ላይ ያወጣው የእስር ማዘዣ እገዳ እና የማዕቀብ እፎይታን ያካተተ መሆኑ ተጠቁሟል፡፡

ይሁን እንጅ ዩክሬን ወደፊት እየገሰገሰች እና ስልታዊ ጥቃት እያካሄደች ነው ያሉት ፕሬዚዳንት ፑቲን÷ በዚህ ሁኔታ ውስጥ ተኩስ ማቆም የማይቻል መሆኑን ተናግረዋል፡፡

በአፍሪካ መሪዎች የቀረበው የሰላም ሐሳብ ልክ በቻይና በኩል እንደቀረበው ሁሉ ለሰላማዊ መፍትሄ መሠረት ሊሆን እንደሚችልም አመላክተዋል፡፡

በፈረንጆቹ አዲስ ዓመት መጀመሪያ ላይ ይፋ የሆነው የቻይና ባለ 12 ነጥብ የሰላም ሐሳብ÷ በዩክሬን መረጋጋት እንዲሰፍን እና የተኩስ አቁም እንዲደረግ የሚጠይቅ መሆኑ ተመላክቷል፡፡

You might also like

Leave A Reply

Your email address will not be published.