Fana: At a Speed of Life!

ለ12ኛ ክፍል ፈተና የተመደቡ የፈተና አስፈጻሚዎች የተለያዩ ታሪካዊ ቦታዎችን ጎበኙ

አዲስ አበባ፣ ሐምሌ 24፣ 2015 (ኤፍ ቢ ሲ) በተለያዩ ዩኒቨርሲቲዎች ለ12ኛ ክፍል ሀገር አቀፍ ፈተና የተመደቡ የፈተና አስፈጻሚዎች በዩኒቨርሲቲዎቹ አካባቢ የሚገኙ ታሪካዊ ቦታዎችንና ቅርሶች ጎብኝተዋል።

የፈተና አስፈጻሚዎቹ በጉብኝታቸው÷ የዓመታትና የብዙ ባህላዊ ቅርስ፣ የፖለቲካ ሥርዓት፣ የታሪክ፣ የግብርና እና አኗኗር ዘይቤዎችን ተዘዋውረው ተመልክተዋል፡፡

የጉብኝት መርሐ ግብሩ የየአካባቢውን ባህል፣ እሴትና ወግ ለማስተዋወቅ፣ እርስ በርስ ለመተዋወቅ እንዲሁም ኢትዮጵያዊነትን የተላበሰ አንድነትና መስተጋብር ለመፍጠር ያለመ መሆኑ ተገልጿል።

በጉብኝቱ የተሳተፉ የፈተና አስፈጻሚዎች÷ ጉብኝቱ ኢትዮጵያ የብዙ ተፈጥሮ ሃብት ባለቤት መሆኗን ያረጋገጡበት እና ሀገራቸውን ይበልጥ ያወቁበት መሆኑን ተናግረዋል፡፡

በዚህም “ቱባ ባህል፣ ዕምነቶች፣ ቋንቋዎች፣ በልዩነት ውበት አይተን የበለጸገ ሀገር ለመገንባት ከሚያልያዩን ይልቅ በርካታ የሚያቀራርቡን ጉዳዮች እንዳሉ ተረድተናል” ነው ያሉት፡፡

በቀጣይም ሀገራዊ አንድነትን በሚያምጡ ጉዳዮች ላይ ትኩረት ሰጥተው እንደሚሰሩ መግለጻቸውን የሚኒስቴሩ መረጃ ያመላክታል፡፡

You might also like

Leave A Reply

Your email address will not be published.