Fana: At a Speed of Life!

ትውልደ ኢትዮጵያውያን ከ26 ሚሊየን ብር በላይ የሚገመቱ የህክምና ቁሶችን ለዱብቲ ሆስፒታል ድጋፍ አደረጉ

አዲስ አበባ፣ ሐምሌ 25፣ 2015 (ኤፍ ቢ ሲ) በአሜሪካ የሚኖሩ ትውልደ ኢትዮጵያዊያን በአፋር ክልል ለሚገኘው ዱብቲ ሪፈራል ሆስፒታል ከ26 ሚሊየን ብር በላይ ግምት ያላቸው የህክምና ቁሶችን ድጋፍ አደረጉ።

ድጋፉን የትውልደ ኢትዮጵያውያኑ ተወካይ አቶ ሰለሞን ተስፋዬ ለዱብቲ ሆስፒታል ስራ አስኪያጅ ሁሴን አደን (ዶ/ር) ዛሬ አስረክበዋል።

አቶ ሰለሞን በወቅቱ እንዳሉት፥ ድጋፉ ለአስቸኳይ ህክምና የሚውሉ ጨምሮ የተለያዩ ዓይነት የህክምና መገልገያ ቁሶች ናቸው።

በርክክብ ሥነ-ሥርዓት ላይ የተገኙት የአፋር ክልል ጤና ቢሮ ምክትል ኃላፊ አቶ ዊቲካ ኖሬ ዊቲካ ትውልደ ኢትዮጵያውያን ላደረጉት ድጋፍ ምስጋና አቅርበዋል።

በነበረው ችግር በክልሉ በርካታ የጤና ተቋማት ላይ ጉዳት መድረሱን ተከትሎ መልሶ ለማቋቋም ዳያስፖራዎች እንዲያግዙ በተላለፈው ጥሪ መሰረት እየተደረገው ያለው ድጋፍ እንዲቀጥል መጠየቃቸውን ኢዜአ ዘግቧል።

አቶ ዊቲካ ድጋፍ ላደረጉት ትውልደ ኢትዮጵያውያን በተወካያቸው በኩል የምስጋና የምስክር ወረቀት አበርክተዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.