Fana: At a Speed of Life!

የደቡብ ክልል ምክር ቤት መደበኛ ጉባዔ ተጀመረ

አዲስ አበባ፣ ሐምሌ 28፣ 2015 (ኤፍ ቢ ሲ) የደቡብ ክልል ምክር ቤት ስድስተኛ ዙር ሁለተኛ የስራ ዘመን አራተኛ መደበኛ ጉባዔ በሐዋሳ ከተማ መካሄድ ጀምሯል።

የምክር ቤቱ ጉባዔ ከዛሬ ጀምሮ ለሶስት ቀናት በሚኖረው ቆይታ በተለያዩ አጀንዳዎች ላይ እንደሚወያይ ተመላክቷል።

የክልሉ ምክር ቤት አፈ ጉባኤ ወይዘሮ ፋጤ ሴርሞሎ÷ ጉባኤው ዓመታዊ ሪፖርት በማድመጥ ያለፈው ጉባኤ አጀንዳን ያፀድቃል ብለዋል።

ከዚህ ባለፈም የክልሉ መንግስት የ2015 በጀት ዓመት አፈጻጸም፣ የጠቅላይ ፍርድ ቤትና የዋናው ኦዲተር አፈጻጸም ሪፖርቶች ላይ እንደሚወያይ ተናግረዋል፡፡

የ2016 ዓ.ም የሥራ ዘመን በጀት በማጽደቅ የተለያዩ ውሳኔዎች እንደሚተላለፉም ይጠበቃል።

ምክር ቤቱ ለአዲሱ የደቡብ ኢትዮጵያ ክልል የስልጣን ርክክብ እንደሚያደርግም ተመላክቷል፡፡

የደቡብ ክልል ርዕሰ መስተዳድር አቶ ርስቱ ይርዳ የክልሉን መንግስት የ2015 በጀት ዓመት አፈጻጸም ሪፖርት አቅርበዋል፡፡

በሪፖርታቸውም በደቡብ ክልል በተጠናቀቀው በጀት ዓመት 1 ነጥብ 4 ሚሊየን በተፈጥሮና ሰው ሰራሽ አደጋ የተጎዱ ዜጎች መሰረታዊ ድጋፍ እንዲያደገኙ ማድረግ መቻሉን ገልጸዋል፡፡

በጥላሁን ይልማ እና በረከት ተካልኝ

You might also like

Leave A Reply

Your email address will not be published.