Fana: At a Speed of Life!

3 ነጥብ 4 ቢሊየን ዶላር ካፒታል ያስመዘገቡ 269 ባለሃብቶች የኢንቨስትመንት ፈቃድ ወስደው ስራ ጀምረዋል

አዲስ አበባ፣ ነሐሴ 1፣ 2015 (ኤፍ ቢ ሲ) በተጠናቀቀው በጀት ዓመት 3 ነጥብ 4 ቢሊየን ዶላር ካፒታል ያስመዘገቡ 269 ባለሃብቶች የኢንቨስትመንት ፈቃድ ወስደው ስራ መጀመራቸውን የኢንቨስትመንት ኮሚሽን አስታወቀ፡፡

ኮሚሽኑ ለፕላንና ልማት ሚኒስቴር የ2015 በጀት ዓመት የእቅድ አፈጻጸሙን አቅርቦ አስገምግማል፡፡

የኢንቨስትመንት ኮሚሽን ኮሚሽነር ሌሊሴ ነሚ እንደገለፁት÷ ግብርና፣ አምራች ኢንዱስትሪ፣ ማዕድን እና ኢንፎርሜሽን ቴክኖሎጂ የውጭ ባለሃብቶች በስፋት የተሳተፉባቸው ዘርፎች ናቸው፡፡

“ኢንቨስት ኢትዮጵያ” ፎረም ከ1 ሺህ በላይ ተሳታፊዎችን ከ29 ሀገራት ማሰባሰብ መቻሉን እና በፎረሙ ወቅት 1 ነጥብ 6 ቢሊየን ዶላር ካፒታል ካላቸው ኩባንያዎች ጋር ስምምነት መፈረሙን ጠቁመዋል፡፡

በበጀት ዓመቱ በማኑፋክቸሪንግ ዘርፍ 71 ፕሮጀክቶች ፣ በአገልግሎት 22 ፕሮጀክቶች እንዲሁም በግብርናው ዘርፍ አንድ ፕሮጀክት ስራ መጀመሩን አንስተዋል፡፡

ከእነዚህ ዘርፎችም 148 ነጥብ 3 ሚሊየን ዶላር የሚያወጣ ምርት ኤክስፖርት መደረጉን ነው ከሚሽነሯ የተናገሩት፡፡

በሌላ በኩል 67 ሺህ በላይ የስራ እድል መፈጠሩን ጠቁመው÷ 3 የግል ኢንዱስትሪ ፓርኮች በግንባታ ላይ  እንደሚገኙ መግለጻቸውንም  የፕላንና ልማት ሚኒስቴር መረጃ ያመላክታል፡፡

You might also like

Leave A Reply

Your email address will not be published.