Fana: At a Speed of Life!

ኢትዮጵያ ከሀገራትና ከዓለም አቀፍ ተቋማት ጋር ያላትን ትብብር አጠናክራ እንደምትቀጥል ገለጸች

አዲስ አበባ፣ ነሐሴ 4፣ 2015 (ኤፍ ቢ ሲ) ኢትዮጵያ ከሀገራትና ከዓለም አፍ ተቋማት ጋር ያላትን የባለብዙ ወገን እና የሁለትዮሽ ትብብሮች አጠናክራ እንደምትቀጥል የውጭ ጉዳይ ሚኒስቴር አስታወቀ።

የውጭ ጉዳይ ሚኒስቴር ቃል አቀባይ አምባሳደር መለስ ዓለም ከሰሞኑ በኢትዮጵያ የተደረጉ የተለያዩ ሀገራት ባለስልጣናትና የዓለም አቀፍ ተቋማት መሪዎች ይፋዊ ጉብኝት ላይ ያተኮረ መግለጫ ሰጥተዋል።

የደቡብ ሱዳን ፕሬዚደንት ሳልቫ ኪር ማያርዲት በኢትዮጵያ ያደረጉት ጉብኝት ፥ የሁለቱን ሀገራት የዳበረ ጉርብትና ወደ ተሻለ የተጠቃሚነት ደረጃ የማሳደግ ዓላማ የነበረው እንደሆነም ነው የተነሳው፡፡

ይህንን ገቢር ለማድረግም ስኬታማ ምክክር የተደረገበት ነውም ብለዋል ቃል አቀባዩ።

ከሲመታቸው ወዲህ የመጀመሪያ ይፋዊ የአፍሪካ ጉብኝታቸውን በኢትዮጵያ ያደረጉት የደቡብ ኮሪያ የውጭ ጉዳይ ሚኒስትር ፓርክ ጂንን ጨምሮ የጃፓን የውጭ ጉዳይ ሚኒስትር ሀያሺ ዪሺማሳ፣ የደቡብ አፍሪካ ዓለምአቀፍ ግንኙነትና ትብብር ሚኒስትር ናሌዲ ፓንዶር የነበራቸው የኢትዮጵያ ጉብኝትን ተነስቷል፡፡

ቃል አቀባዩ አክለውም ፥ የዓለም ባንክ ፕሬዚዳንት አጃይ ባንጋ እንዲሁም የአውሮፓ ህብረት የአፍሪካ ቀንድ ልዩ መልዕክተኛ ዶ/ር አኒት ዌበር በኢትዮጵያ የተሳካ ቆይታ አድርገዋልም ብለዋል።

ባለፉት ቀናት የተደረጉ ይፋዊ ጉብኝቶች ኢትዮጵያ ከተለያዩ ሀገራትና ዓለም አቀፍ ተቋማት ጋር ያላትን የባለብዙ ወገን እንዲሁም የሁለትዮሽ ዲፕሎማሲያዊ ትብብር ይበልጥ ማጠናከር ያስቻሉ መሆናቸውን ገልጸዋል።

በፍሬሕይወት ሰፊው

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.