Fana: At a Speed of Life!

በትግራይ ክልል አስፈላጊ የትምህርት ግብዓቶችን ለማሟላት ድጋፍ እንዲደረግ ጥሪ ቀረበ

አዲስ አበባ፣ ነሐሴ 5፣ 2015 (ኤፍ ቢ ሲ) በትግራይ ክልል ለ2016 የትምህርት ዘመን አስፈላጊ የትምህርት ግብዓቶችን ለማሟላት ድጋፍ እንዲደረግ የክልሉ ጊዜያዊ አስተዳደር ትምህርት ቢሮ ጥሪ አቀረበ፡፡

የቢሮ ሃላፊው ኪሮስ ግዑሽ (ዶ/ር) ለፋና ብሮድካስቲንግ ኮርፖሬት እንዳሉት፥ በክልሉ ተከስቶ የነበረው ጦርነት በትምህርት መሰረት ልማት ላይ ከፍተኛ ውድመት አስከትሏል።

ለ2016 ዓ.ም የትምህርት ዘመን የመማር ማስተማር ሒደትም አስፈላጊ ግብዓቶችን ለማሟላት ዝግጅት እየተደረገ መሆኑን ተናግረዋል፡፡

በዚህ መሰረት በጦርነቱ የወደሙ እና ጉዳት የደረሰባቸውን ትምህርት ቤቶች ለመገንባት እና ለመጠገን ከሚመለከታቸው አካላት ጋር ውይይት እየተደረገ ነው ብለዋል፡፡

ከሰው ሃይል አንጻርም መምህራን እና የድጋፍ ሰራተኞችን የማሟላት ስራ እየተከናወነ መሆኑን ነው ሃላፊው ያስረዱት፡፡

በጦርነቱ ሳቢያ ለትምህርት የደረሱ ህጻናት ከትምህርት ገበታ ውጪ ሆነው መቆየታቸውን አንስተው፥ ችግሩን ደረጃ በደረጃ ለመቅረፍ ከባለድርሻ አካላትጋር ይሰራል ብለዋል፡፡

ለቀጣዩ ዓመት የመማር ማስተማር ሒደት ከመማሪያ መጽሐፍት ጀምሮ ከፍተኛ የግብዓት እጥረት መኖሩን ጠቅሰው፥ የትምህርት ግብዓቶች ለማሟላትም መንግስታዊ ድርጅቶች፣ ባለሃብቶች እና ሌሎች ባለድርሻ አካላት ድጋፍ እንዲያደርጉ ጥሪ አቅርበዋል፡፡

በመላኩ ገድፍ

You might also like

Leave A Reply

Your email address will not be published.