Fana: At a Speed of Life!

በአሜሪካ ሀዋይ ግዛት በከሰተው ሰደድ እሳት የሞቱ ሰዎች ቁጥር 67 ደረሰ

አዲስ አበባ፣ ነሐሴ 6፣ 2015 (ኤፍ ቢ ሲ) በአሜሪካ ሀዋይ ግዛት በተከሰተው የሰደድ እሳት አደጋ የሞቱ ሰዎች ቁጥር ከ67 ማለፉ ተዘግቧል፡፡

በታሪክ እጅግ አስከፊ በተባለው በዚህ ሰደድ እሳት አደጋ ህይወታቸው ማለፉ ከታወቁት ሰዎች በተጨማሪ ከ100 በላይ ሰዎች የገቡበት ባለመታወቁ የሟቾች ቁጥር ሊያሻቅብ እንደሚችል ነው የተገለፀው፡፡

በሀዋይ ግዛት የተከሰተው የሰደድ እሳት በቅርብ ርቀት ወደምተገኘው ካናፕሊ ከተማ እየተዛመተ መሆኑን ተከትሎ የነፍስ አድን ሰራተኞች ነዋሪዎችን ከአካባቢው እያስወጡ መሆኑ ተሰምቷል፡፡

በአደጋው በርካታ ነዋሪዎች ቤት አልባ መሆናቸው የተገለፀ ሲሆን ለመልሶ ማቋቋሚያ ከአንድ ቢሊዮን ዶላር በላይ ገንዘብ ሊያስፈልግ ይችላል ነው የተባለው፡፡

በሀዋይ ግዛት ማዊ ደሴት የተከሰተው የሰደድ እሳት አደጋ ከባለፈው ማክሰኞ ጀምሮ የተከሰተ ሲሆን የሰደድ እሳቱ ምክንያት እስካሁን አለመታወቁን ቢቢሲ ዘግቧል፡፡

You might also like

Leave A Reply

Your email address will not be published.