Fana: At a Speed of Life!

በጋምቤላ ክልል የመጽሐፍት ተደራሽነትን ለማረጋገጥ እየተሰራ መሆኑ ተገለጸ

አዲስ አበባ፣ ነሐሴ 6፣ 2015 (ኤፍ ቢ ሲ) በ2016 የትምህርት ዘመን የተማሪዎችን መጽሐፍት ተደራሽነትን ለማረጋገጥ እየሠራ መሆኑን የጋምቤላ ክልል ትምህርት ቢሮ አስታወቀ፡፡

የቢሮው ኃላፊ ሙሴ ጋጂት ለፋና ብሮድካስቲንግ ኮርፖሬት እንዳሉት÷ እስከ 8ኛ ክፍል ላሉ ተማሪዎች የሚሆን የመማሪያ መጽሐፍ ታትሞ ወደ ትምህርት ቤቶች እየተላከ ነው።

በተጨማሪም በስደተኞች መጠለያ ጣቢያ ለሚገኙ ተማሪዎች ከ120 ሺህ በላይ መጽሐፍት ታትመው ተሰራጭተዋል ነው ያሉት፡፡

በዚህም ከ68 ሺህ በላይ ለሚሆኑ በጣቢያዎች ለሚገኙ ተማሪዎች አንድ መጽሐፍ ለአንድ ተማሪ ለማድረስ ይቻላል ብለዋል፡፡

በአጠቃላይ ለ2016 የትምህርት ዘመን 300 ሚሊየን ብር በጀት ተመድቦ አንድ መጽሐፍ ለሶስት ተማሪ እንዲሆን እየተሠራ ስለመሆኑም ጠቁመዋል፡፡

በትምህርት ዘመኑ ከ280 ሺህ በላይ ተማሪዎች በትምህርት ገበታ ላይ ይገኛሉ ተብሎ እንደሚጠበቅም አመልክተዋል።

በዮሐንስ ደርበው

You might also like

Leave A Reply

Your email address will not be published.