Fana: At a Speed of Life!

ኢትዮጵያ ታምርት ንቅናቄ በሰመራ ከተማ መካሄድ ጀመረ

አዲስ አበባ፣ ነሐሴ 7፣ 2015 (ኤፍ ቢ ሲ) የኢትዮጵያ ታምርት ንቅናቄ በአፋር ክልል ሰመራ ከተማ እየተካሄደ ነው።

የኢንዱስትሪ ሚኒስትር ዴዔታ አቶ ሀሠን መሐመድ እና የኢትዮጵያ ታምርት ንቅናቄ ኘሮጀክት ጽህፈት ቤት ኃላፊ አቶ አስፋው አበበ ፣የኢትዮጵያ ኢንተርኘራይዝ ዋና ዳይሬክተር አለባቸው ንጉሴ(ዶ/ር) እንዲሁም የአፋር ክልል ርዕሰ መስተዳድር አቶ አወል አርባን ጨምሮ ሌሎች የክልልና የፌዴራል የስራ ሃላፊዎች  በመርሐ ግብሩ ተገኝተዋል።

በአፋር ክልል የንግድ ገበያ ልማት እና ኢንዱስትሪ ቢሮ  የተዘጋጀው የንቅናቄ መድረኩ የአምራች ኢንዱስትሪዎችን የማምረት አቅም የሚያሳድግ እንደሆነ መገለጹን  ኢዜአ ዘግቧል፡፡

የኢትዮጵያ ታምርት ንቅናቄ የአምራች ኢንዱስትሪዎች ችግሮችን ነቅሶ በመለየት በጋራ ለመፍታት የሚያስችልና ለዘርፉ ተወዳዳሪነትና ምቹ ሁኔታዎችን ለመፍጠር የሚያስችል እንዲሁም ለኢኮኖሚ ሽግግር አስተዋጽኦ የሚያደርግ ነውም ተብሏል።

በንቅናቄ መድረኩ ቆይታ የተለያዩ ባለድርሻ አካላት፣ አምራች ኢንዱስትሪዎች፣ ኢንዱስትሪዎቹን የሚደግፉ አካላት፣ አገልግሎት ሰጪ ተጠሪ ተቋማት እንዲሁም ጥሪ የተደረገላቸው እንግዶች ይሳተፉበታል።

 

You might also like

Leave A Reply

Your email address will not be published.