Fana: At a Speed of Life!

የብሪክስ ልማት ባንክ የንግድ ልውውጡን በሀገር ውስጥ መገበያያ ገንዘብ ለማስፋፋት ማቀዱ ተሰማ

አዲስ አበባ፣ ነሐሴ 8፣ 2015 (ኤፍ ቢ ሲ) በብሪክስ የተቋቋመው አዲስ ልማት ባንክ የንግድ ልውውጡን በአባል ሀገራቱ መገበያያ ገንዘብ ማድረግ እንዳለበት የደቡብ አፍሪካ የገንዘብ ሚኒስቴር ገለጸ።

የሀገሪቱ የገንዘብ ሚኒስትር ኢኖክ ጎዶንግዋና ምዕራባውያን በመስራቿ ሩሲያ ላይ የጣሉት ማዕቀብ ባንኩ የንግድ ልውውጡን በሀገር ውስጥ መገበያያ ገንዘብ ለማድረግ እንዲያቅድ አድርጎታል ብለዋል።

ይህም ለሩሲያ የሀገር ውስጥ ምንዛሪ ማሰባሰብ እና ብድር ማሳደግን ታሳቢ ያደረገ እንደሆነ መግለጻቸውን አር ቲ ዘገቧል።

ደቡብ አፍሪካ የብሪክስ መሪዎች ጉባኤን በዚህ ወር መጨረሻ በጆሃንስበርግ ለማስተናገድ በዝግጅት ላይ መሆኗ ይታወቃል።

የገንዘብ ሚኒስትሩ ኢኖክ ጎዶንግዋና እንዳሉት፥ በስብሰባው በአባል ሀገራት መካከል የሀገር ውስጥ ምንዛሪ አጠቃቀምን መጨመር አጀንዳ ይሆናል፡፡

ይህም ከዶላር መጨመር ይልቅ የውጭ ምንዛሪ መዋዠቅ የሚያስከትለውን ጫና ለመቀነስ ያለመ ስለመሆኑም አብራርተዋል፡፡

በሀገር ውስጥ ምንዛሪም ብድር እንዲሰጥ አብዛኞቹ አባል ሀገራት ሲያበረታቱ እንደነበርም ጠቁመዋል።

መሰረቱን በሻንጋይ ያደረገው አዲስ የልማት ባንክ (ኤን ዲ ቢ) በፈረንጆቹ 2014 በብራዚል፣ ሩሲያ፣ ህንድ፣ ቻይና እና ደቡብ አፍሪካ የተቋቋመ ሲሆን፥ አላማውም ለመሠረተ ልማት እና ለዘላቂ ልማት ፕሮጀክቶች የገንዘብ ድጋፍ ለማድረግ መሆኑ ተመላክቷል።

በፈረንጆቹ 2015 በይፋ ለአገልግሎት ክፍት የሆነው ባንኩ አሁን ላይ ባንግላዲሽ፣ የተባበሩት አረብ ኢሚሬቶች፣ ግብፅ እና ኡራጓይ እንደተቀላቀሉት ሚኒስትሩ ገልፀዋል።

ሳዑዲ አረቢያም አባል ለመሆን በድርድር ላይ እንደምትገኝ ጠቁመዋል።

የአሜሪካ ዶላር ትልቁ ውሀ የሚገኝበት ገንዳ ነው ያሉት ኃላፊው ለጊዜው የባንኩ የስራ መገበያያ ገንዘብም በተለየ ምክንያት ዶላር መሆኑን አንስተዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.