Fana: At a Speed of Life!

የስኳር ፋብሪካዎች በግብዓትና ሌሎች ችግሮች የሚጠበቅባቸውን አላመረቱም ተባለ

አዲስ አበባ፣ ነሐሴ 9፣ 2015 (ኤፍ ቢ ሲ) አብዛኛዎቹ የስኳር ፋብሪካዎች በግብዓት አቅርቦት እጥረት እና በተወሰኑ ፋብሪካዎች አካባቢ በነበረ የጸጥታ ችግር የሚጠበቅባቸው ያህል አለማምረታቸውን የኢትዮጵያ ስኳር ኢንዱስትሪ ግሩፕ አስታወቀ፡፡

በተጨማሪም ስራዎችን በተቀመጠው መመዘኛ በመስራትና በመፈጸም ረገድ የአቅም ጉድለት በመስተዋሉ እንዲያመርቱ የሚፈለገውን ያህል አላመረቱም ሲሉ የግሩፑ የሕዝብ ግንኙነትና ተሳትፎ ዋና ክፍል ኃላፊ ረታ ደመቀ ለፋና ብሮድካስቲንግ ኮርፖሬት ተናግረዋል፡፡

በተጠናቀቀው የምርት ወቅት አምስት የስኳር ፋብሪካዎች ያመረቱት 1 ሚሊየን 90 ሺህ 984 ኩንታል ብቻ መሆኑንም ገልጸዋል፡፡

ስኳሩ የተመረተው ከኅዳር ወር መጨረሻ እስከ ግንቦት ወር 2015 ዓ.ም አጋማሽ መሆኑን ጠቁመው÷ ስኳሩም እራሳቸውን ችለው በተደራጁ 3 ፋብሪካዎች እና በስኳር ኢንዱስትሪ ግሩፕ ስር በሚተዳደሩ 2 ፋብሪካዎች መመረቱን ነው የገለጹት፡፡

በዚህም ከወንጂ ሸዋ፣ መተሐራ እና ፊንጫኣ ስኳር ፋብሪካዎች ከ765 ሺህ 535 ኩንታል በላይ ምርት ተገኝቷል ብለዋል፡፡

እንዲሁም በስኳር ኢንዱስትሪ ግሩፕ ስር በሚተዳደሩት ኦሞ ኩራዝ ቁጥር 2 እና ኦሞ ኩራዝ ቁጥር 3 የስኳር ፋብሪካዎች 291 ሺህ 938 ኩንታል መመረቱን ጠቁመዋል።

አካባቢው ከሌሎች የተለየ የአየር ንብረት ስላለው የኦሞ ኩራዝ ቁጥር 2 እና 3 ፋብሪካዎች በዓመት ሁለት የምርት ወቅቶች እንዳሏቸው አስረድተዋል፡፡

ኦሞ ኩራዝ ቁጥር 3 ስኳር ፋብሪካ ከሐምሌ 7 ቀን 2015 ዓ.ም ጀምሮ የምዕራፍ ሁለት ሥራውን እያከናወነ መሆኑንና እስከ መስከረም አጋማሽ 2016 ዓ.ም ድረስ እንደሚቆይም ነው የተናገሩት።

በዚህ የሁለተኛ ምዕራፍ የምርት ወቅት ፋብሪካው እስከ 150 ሺህ ኩንታል ስኳር እንደሚያመርት ይጠበቃል ነው ያሉት፡፡

በዮሐንስ ደርበው

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.