Fana: At a Speed of Life!

የአሜሪካ፣ ደቡብ ኮሪያ እና የጃፓን የመከላከያ ጥምረት የቀጠናውን ውጥረት ያባብሳል ስትል ቻይና ገለፀች

አዲስ አበባ፣ ነሐሴ 9፣ 2015 (ኤፍ ቢ ሲ) የአሜሪካ፣ ደቡብ ኮሪያ እና የጃፓን የመከላከያ ጥምረት የቀጠናውን ውጥረት ያባብሳል ስትል ቻይና ገልፀለች፡፡

የአሜሪካ፣ የጃፓን እና የደቡብ ኮሪያ መሪዎች የፊታችን ዓርብ በካምፕ ዴቪድ እንደሚገናኙ ተገልጿል፡፡

ሀገራቱ በተለይም በቴክኖሎጂ እና በመከላከያ ዘርፍ አዲስ ኢኒሼቲቭ ይፋ ያደርጋሉ ተብሎ እንደሚጠበቅ ሲ ጂ ቲ ኤን የአሜሪካን ከፍተኛ ባለስልጣን ጠቅሶ ዘግቧል።

ከካምፕ ዴቪድ ስብሰባ በፊት የአሜሪካ የውጭ ጉዳይ ሚኒስትር አንቶኒ ብሊንከን ከጃፓን የውጭ ጉዳይ ሚኒስትር ዮሺማሳ ሃያሺ እና ከደቡብ ኮሪያ ውጭ ጉዳይ ሚኒስትር ፓርክ ጂን ጋር በትናንትናው ዕለት በቨርቹዋል ውይይት ማድረጋቸውን የአሜሪካ የውጭ ጉዳይ ሚኒስቴር አስታወቋል።

በውይይታቸውም በመጭው አርብ የሚመክሩባቸውን አጀንዳዎች በተመለከተ ሃሳብ ተለዋውጠዋል ነው የተባለው።

በካምፕ ዴቪዱ ስብሰባ በቀጠናዊ ሃላፊነቶች የጋራ መግባባት ላይ ለመድረስ እና የቀውስ ጊዜ የሶስትዮሽ የግንኙነት መስመር መመስረት በሚቻልበት አግባብ ላይ ይመክራሉ ተብሎ እንደሚጠበቅም ነው ዘገባው ያመላከተው።

ከቻይና ታይዋን ጋር በተያያዘ ቋንቋን የሚመለከት ጠቅለል ያለ የጋራ መግለጫ እንደሚሰጥ ባለሥልጣኑ ተናግረዋል።

ዋሺንግተን ቀደም ሲል ከቶኪዮ እና ከሴኡል ጋር በተናጠል የመከላከያ ዝግጅት እንደነበራት የገለፁት ባለስለልጣኑ፥ በፓሲፊክ አካባቢ ያለውን ጥቅሟን ለማስጠበቅ ሁለቱ ሀገራት ተቀራርበው እንዲሰሩ ትፈልጋለች ብለዋል።

የቻይና የውጭ ጉዳይ ሚኒስቴር በእስያ ፓሲፊክ ያለው የሀገራቱ ትብብር የመንግስት ለመንግስት ወታደራዊ ትብብር ለአካባቢው ሰላም እና መረጋጋት የሚጠቅም መሆን እንዳለበት ገልጿል።

ከዛ ውጭ ግን የትኛውንም ሶስተኛ ወገን ኢላማ ማድረግ አልያም ጥቅም መጉዳት የለበትም ሲልም አሳስቧል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.